नवी दिल्लीः राहुल गांधी यांची भारत जोडो यात्रा आता हरियाणातून दिल्लीमध्ये प्रवेश करत आहे. राज्याच्या विविध भागांमध्ये भारत जोडो यात्रा पोहोचली तेव्हा राहुल गांधी सर्वत्र दिसले ते पांढऱ्या टी-शर्टमध्ये.

याच टी-शर्टवरुन एक वेगळ्या प्रकारची टीका राहुल गांधी यांच्यावर करण्यात आलेली आहे. हरियाणाचे कृषीमंत्री जेपी दलाल म्हणाले की, राहुल गांधींनी देशहितासाठी आर्मीला सांगावे की ते कोणतं औषध घेत आहेत... कारण इतकी थंडी असूनही ते टी-शर्ट घाललायत. याचा फायदा देशाला होईल.

हेही वाचाः Love Jihad: प्रेमाला धर्म आहे...?

कृषीमंत्र्यांच्या या बोचऱ्या टीकेला काँग्रेसच्या नेत्यांनी प्रत्युत्तर दिलं आहे. राहुल गांधी यांची यात्रा आता दिल्लीमध्ये दाखल होत आहे. ही यात्रा थांबवावी, यासाठी हरियाणा सरकारकडून राहुल गांधींना पत्र देण्यात आलेलं आहे.

कोरोनाच्या पार्श्वभूमीवर खबरदारीचा उपाय म्हणून पत्र दिल्याचं मंत्री जेपी दलाल यांनी सांगितलं. चीनमध्ये कोरोनाचा उद्रेक झालेला आहे. एका दिवसामध्ये साडेतीन कोटी लोकांना कोरोनाची लागण झाल्याची माहिती आहे. त्यामुळे भारतातदेखील वेळीच उपाययोजना केल्या जात आहेत. कालच पंतप्रधान नरेंद्र मोदी यांनी उच्चस्तरीय बैठक घेऊन राज्यांना महत्त्वाच्या सूचना दिल्या आहेत.