SBI Rules: देशातील सार्वजनिक क्षेत्रातील सर्वात मोठी बँक 'स्टेट बँक ऑफ इंडिया'ने (SBI) आपल्या प्रत्येक शाखेत पैसे हस्तांतरणासाठी त्वरित पेमेंट सेवेची (IMPS) मर्यादा वाढवली आहे. बँकेने दिलेल्या माहितीनुसार,1 फेब्रुवारी 2022 पासून IMPS व्यवहारांसाठी नवीन स्लॅब जोडण्यात आला आहे. हा नवीन स्लॅब 2 लाख ते 5 लाख रुपयांपर्यंत आहे. 2 लाख ते 5 लाख रुपयांच्या दरम्यान, IMPS द्वारे पैसे पाठवण्याचे शुल्क 20 रुपये अधिक GST असेल. IMPS ही बँकांद्वारे प्रदान केलेली अशी पेमेंट सेवा आहे, ज्याद्वारे रियल टाईम इंटर बँक फंड ट्रान्सफर करता येते. ही सुविधा रविवारी तसेच सर्व सुट्ट्यांसह 24 X 7 उपलब्ध आहे. (Big rules of SBI changing from 1st February! All customers will be affected, you need to know)
IMPS म्हणजे तात्काळ मोबाईल पेमेंट सेवा (Immediate Mobile Payment Service), ज्याद्वारे कोणत्याही खातेदाराला कुठेही, कधीही पैसे पाठवले जाऊ शकतात. यामध्ये पैसे पाठवण्यासाठी वेळेचे बंधन नाही. या विशेष सेवेअंतर्गत, तुम्ही IMPS द्वारे काही सेकंदात कधीही, 24 तास, आठवड्याचे सातही दिवस पैसे ट्रान्सफर करू शकता. वास्तविक, भारतात ऑनलाइन बँकिंगद्वारे पैसे कुठेही, कधीही पाठवले जाऊ शकतात, परंतु पैसे पाठवण्याच्या पद्धती वेगळ्या आहेत. ऑनलाइन बँकिंगमधून पैसे हस्तांतरित करण्याचे तीन मार्ग आहेत - IMPS, NEFT, RTGS.
हे लक्षात घेण्यासारखे आहे की ते नॅशनल पेमेंट कॉर्पोरेशन ऑफ इंडियाद्वारे हाताळले जाते. यामध्ये निधी हस्तांतरित करून, पैसे त्वरित हस्तांतरित केले जातात. IMPS वर्षभर 24×7 उपलब्ध आहे. परंतु, NEFT आणि RTGS मध्ये ही सुविधा उपलब्ध नाही.
रिझर्व्ह बँक ऑफ इंडियाचे (RBI) गव्हर्नर शक्तीकांत दास (Shaktikant Das) यांनी ऑक्टोबरमध्ये IMPS सेवेबाबत मोठी घोषणा केली होती. याअंतर्गत आता ग्राहक एका दिवसात 5 लाख रुपयांपर्यंतचे व्यवहार करू शकणार आहेत. यापूर्वी ही मर्यादा 2 लाख रुपये होती.
SBI ने ग्राहकांसाठी खास ऑफर आणली आहे. लोकांना वैयक्तिक कर्जावर जास्त व्याज द्यावे लागते. म्हणून SBI ने त्यांच्या ग्राहकांसाठी पूर्व-मंजूर वैयक्तिक कर्ज (Pre-approved Personal loan) ऑफर सादर केली आहे, ज्याचा लाभ YONO अ‍ॅपद्वारे घेता येईल. याअंतर्गत बँक ग्राहकांना वैयक्तिक कर्जावर विशेष सवलतही देत आहे. स्टेट बँक ऑफ इंडिया ग्राहकांना शून्य प्रक्रिया शुल्कावर कर्ज देईल.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.