पाटना: बिहारचे उपमुख्यमंत्री सुशीलकुमार मोदी यांच्या बहिणीने रागाच्या भरात एका रेशन दुकानदाराचा चावा घेतल्याची घटना येथे घडली. प्रकरण पोलिसांकडे गेल्यानंतर पोलिसांनी ते मिटवले. याबाबतची चर्चा राज्यात रंगली आहे.
रेखा मोदी असे उपमुख्यमंत्र्यांच्या बहिणीचे नाव आहे. रेखा यांनी एका स्थानिक दुकानदाराकडून दोन पोती तांदूळ खरेदी केला. तांदूळ खरेदी केल्यानंतर त्यांनी दुकानदाराला घरी आणून देण्यास सांगितले होते. पण, दुकानदाराने ठरलेल्या वेळेत तांदळाची पोती पोहचती केली नाहीत. यामुळे रेखा मोदी चिडल्या आणि दुकानदाराकडे गेल्या. दोघांमध्ये यावेळी बाचाबाची झाली. चिडलेल्या रेखा यांनी दुकानदाराच्या हाताचा चावा घेतला. यामुळे दुकानदाराने पोलिसांकडे धाव घेतली. पोलिस स्टेशनला गेल्यानंतरही रेखा यांनी गोंधळ घालण्यास सुरवात केली. पोलिस स्टेशनच्या जमीनीवर झोपून त्यांनी न्याय देण्याची मागणी केली. अखेर, पोलिसांनी दुकानदाराला रेखा यांचे पैसे परत करण्याचे आदेश देत प्रकरणावर पडदा टाकला, असे वृत्त स्थानिक प्रसारमाध्यमांनी दिले आहे.
दरम्यान, उपमुख्यमंत्र्यांच्या बहिणीने दुकानदाराचा चावा घेतल्याची चर्चा परिसरात रंगली. रेखा यांनी यापूर्वीही अनेकांशी भांडणे केली आहेत. रेखा मोदी यांचा आपल्या कुटुंबीयांशी काहीही संबंध नाही, असे सुशील कुमार मोदी यांनी अनेकदा जाहीरपणे सांगितले आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.