लालकृष्ण अडवाणी यांना पुन्हा रुग्णालयात दाखल करण्यात आले आहे. ते गेल्या काही दिवसांपासून आजारी होते, याआधी त्यांच्यावर एम्समध्ये उपचारही करण्यात आले होते. आता पंधरा दिवसांत दुसऱ्यांदा त्यांना रुग्णालयात दाखल करण्यात आले आहे. वयाशी संबंधित आजारांमुळे त्यांना सतत रुग्णालयात दाखल करावे लागत आहे, सध्या अडवाणी डॉक्टरांच्या देखरेखीखाली असून त्यांची प्रकृती स्थिर असल्याचे सांगण्यात येत आहे.

मिळालेल्या माहितीनुसार, काही दिवसांपासून भारतीय जनता पक्षाचे ज्येष्ठ नेते लालकृष्ण अडवाणी यांची प्रकृती खालावली आहे. गेल्या आठवड्यात अडवाणी यांना उपचारासाठी रुग्णालयात दाखल करण्यात आलेले होते. त्यानंतर त्यांना घरी आणण्यात आलं होतं.

मात्र, पुन्हा एकदा अडवाणी यांची प्रकृती खालावली असून त्यांना उपचारासाठी अपोलो रुग्णालयात दाखल करण्यात आलं आहे. एक आठवड्यात अडवाणी यांना दुसऱ्यांदा रुग्णालयात दाखल कऱण्यात आले आहे. सध्या त्यांची प्रकृती स्थिर असल्याचे डॉक्टरांनी सांगितली आहे.

समोर आलेल्या माहितीनुसार, रात्री 9 वाजता त्यांना अस्वस्थ वाटू लागलं, त्यानंतर त्यांना तात्काळ अपोपो रुग्णालयात दाखल करण्यात आलं. सध्या डॉक्टर विनीत सुरी यांच्या देखरेखीखाली त्यांच्यावर उपचार सुरू आहेत. अडवाणी सध्या 96 वर्षांचे आहेत, अनेक वर्षांपासून ते राजकारण आणि सार्वजनिक जीवनापासून दूर आहेत.