देश

..म्हणून हेलिकॉप्टर दुर्घटनेसाठी चीनवर शंका, चीनी मिडियाला उत्तर

सकाळ डिजिटल टीम

तामिळनाडूमध्ये देशाचे पहिले चीफ ऑफ डिफेन्स स्टाफ (CDS) जनरल बिपिन रावत (bipin rawat) यांचे हेलिकॉप्टर क्रॅश (helicopter crash) झाले. या अपघातात सीडीएस रावत आणि त्यांची पत्नी मधुलिका यांच्यासह १३ जणांचा मृत्यू झाला. काही लोक या घटनेवर शोक व्यक्त करत आहेत, तर अनेक जण आपली मते मांडत आहेत. भू-रणनीतीकार आणि लेखक ब्रह्मा चेलानी (bramha chelani) यांनी देखील एक ट्विट केले, ज्याने चीनी मीडिया ग्लोबल टाइम्सला फटकारले.

खरं तर, प्रोफेसर चेलानी यांनी या ट्विटद्वारे सीडीएस रावत आणि चीनविरोधात आक्रमक भूमिका घेणारे तैवानचे जनरल चीफ यांच्या हेलिकॉप्टर अपघातातील साम्य उघड केले. यावर प्रत्युत्तर देताना ग्लोबल टाइम्सने लिहिले की, तुमच्या दृष्टिकोनानुसार अमेरिकेवरही शंका घेतली जाऊ शकते. यानंतर प्रोफेसर चेलानी यांनीही ग्लोबल टाइम्सला उत्तर दिले.

गेल्या 20 महिन्यांपासून सीमेवर तणाव

प्रोफेसर चेलानी यांनी आपल्या पहिल्या ट्विटमध्ये लिहिले की, गेल्या 20 महिन्यांपासून चीनच्या सीमेवर तणावामुळे युद्धासारखी परिस्थिती निर्माण झाली आहे. हेलिकॉप्टर अपघातात भारताचे चीफ ऑफ डिफेन्स स्टाफ, जनरल रावत, त्यांची पत्नी आणि इतर 11 लष्करी जवानांचा दुःखद मृत्यू यापेक्षा वाईट वेळ कोणती असू शकते.

दुसऱ्या ट्विटमध्ये चेलानी यांनी लिहिले की, सीडीएस रावत यांचा मृत्यू आणि तैवानच्या चीफ ऑफ जनरल स्टाफच्या मृत्यूमध्ये समांतर आहेत. तैवानचे चीफ ऑफ जनरल स्टाफ, जनरल शेन यी-मिंग यांचे हेलिकॉप्टर देखील 2020 च्या सुरुवातीला क्रॅश झाले, ज्यात दोन प्रमुख जनरल्ससह सात लोक ठार झाले. या दोन्ही अपघातांमध्ये दोन्ही देशांतील त्या खास व्यक्तींचा मृत्यू झाला होता, जे चीनच्या आक्रमकतेविरुद्ध अत्यंत महत्त्वाचे चेहरे होते.

चेलानी यांना ग्लोबल टाइम्सचे उत्तर

चेलानी यांच्या ट्विटवर ग्लोबल टाईम्सने उपहासात्मक पद्धतीने लिहिले की, या दृष्टिकोनातून, या हेलिकॉप्टर अपघातात अमेरिकेचीही भूमिका असू शकते, कारण भारत आणि रशिया एस-400 क्षेपणास्त्र संरक्षण प्रणालीसह पुढे जात आहेत आणि अमेरिकेने जोरदार प्रतिक्रिया व्यक्त करत कराराला विरोध केला आहे. यावर प्रोफेसर चेलानी यांनी ग्लोबल टाईम्सचे ट्विट रिट्विट करताना म्हटले आहे की, चीनच्या सरकारी मीडियाचे मुखपत्र माझ्या ट्विट थ्रेडद्वारे कसा गैरसमज निर्माण करण्याचा प्रयत्न करत आहे. सीडीएस रावत यांच्या हेलिकॉप्टर दुर्घटनेमागे अमेरिकेचा हात आहे, कारण भारत रशियाशी S-400 क्षेपणास्त्र करार करत आहे. हे ट्विट चिनी प्रशासनाची भ्रष्ट मानसिकता दर्शवतात.

सकाळ+ चे सदस्य व्हा

ब्रेक घ्या, डोकं चालवा, कोडे सोडवा!

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Election Result 2024: एकनाथ शिंदेंसोबत गेलेल्या आमदारांचं काय झालं? महाराष्ट्राचा कल काय सांगतोय? जाणून घ्या

Maharashtra Assembly Results: लाडकी बहीण पावली! महायुतीला 'एक हे तो सेफ हे'ची जोड अन् झटक्यातच मविआचा हिरमोड

Maharashtra Assembly Election 2024 Results Vote Counting Live Updates: महायुतीची जोरदार मुसंडी; २०० हून अधिक जागांवर आघाडी

Mumbai Assembly Election Results 2024 LIVE Counting: पुन्हा निवडणुका घ्या, हा जनमताचा कौल नाही - संजय राऊत

Karad South Assembly Election 2024 Results : कराड दक्षिणमध्ये पृथ्वीराज चव्हाणांना मोठा धक्का; अतुल भोसलेंनी घेतली 'इतक्या' मतांनी आघाडी

SCROLL FOR NEXT