मुंबईसह देशातल्या १४ ठिकाणी सीबीआयने धाडसत्र सुरू केल्याची माहिती हाती येत आहे. मुंबईसोबतच जम्मू, दिल्ली, दरभंगा इथं सीबीआय़ने छापे टाकले आहेत. काश्मीरमधल्या चेनाब व्हॅली पॉवर प्रोजेक्टशी या छाप्यांचा संबंध जोडला जात आहे.

सीबीआय़ सध्या जम्मू, श्रीनगर, मुंबई, नोएडा, दिल्ली, तिरुवनंतपुरम, दरभंगा इथं धाडसत्र राबवत आहे. सीबीआय़ने काही दिवसांपूर्वी चेनाब व्हॅली पॉवर प्रकल्पावर केंद्र सरकारची नियमावली डावलून अयोग्यरित्या पैसे गोळा केल्याचा आरोप केला होता. त्यासंदर्भात हे छापे टाकले जात आहेत.

या प्रकरणी एका वरिष्ठ आयएएस अधिकाऱ्याचीही चौकशी सुरू आहे. रिपब्लिक वर्ल्डने दिलेल्या वृत्तानुसार, हा घोटाळा ९ हजार कोटींचा असल्याचं सांगितलं जात आहे.