नवी दिल्लीः देशातली सगळ्यात मोठी सरकारी बँक भारतीय स्टेट बँकेला आता नवीन चेहरा मिळणार आहे. विद्यमान चेअरमन दिनेश खारा यांच्याजागी नवीन नाव पुढे येत आहे. बँकेचे सीनियम मोस्ट-मॅनेजिंग डायरेक्टर चल्ला श्रीनिवासुलु शेट्टी यांच्या नावाची शिफारस करण्यात आलेली आहे.

शेट्टी यांना जानेवारी २०२० मध्ये मॅनेजिंग डायरेक्टर या पदावर नियुक्त करण्यात आलेलं होतं. सध्या ते इंटरनॅशनल बँकिंग, ग्लोबल मार्केट आणि तंत्रज्ञान विभागाचा कार्यभार सांभाळत आहेत. विद्यमान चेअरमन दिशेन खारा हे २८ ऑगस्ट रोजी निवृत्त होणार आहेत. २८ ऑगस्ट रोजी खारा यांचं वय ६३ वर्षे होईल.

परंपरेनुसार एसबीआयचे मॅनेजिंग डायरेक्टर हेच पुढे एसबीआयचे चेअरमन होतात. एफएसआयबीकडून कॅबिनेट अपॉईंन्मेंट कमिटीला नावाची शिफारस होईल. त्यांच्याकडून यासंबंधी अंतिम निर्णय होईल. एसीसीचे अध्यक्ष पंतप्रधान नरेंद्र मोदी आहेत.