लखनऊ : उत्तर प्रदेशच्या गोंडामधे एक्स्प्रेसचे 12 डबे रुळावरून घसरल्याचं वृत्त आहे. चंदिगड-डिब्रूगड एक्स्प्रेसला हा अपघात घडला आहे. ही रेल्वे चंदिगडवरून गोरखपूरला निघाली होती. दरम्यान, या घटनेत कोणीही जखमी नसल्याची प्राथमिक माहिती आहे.

या घटनेची माहिती कळताच मुख्यमंत्री योगी आदित्यनाथ यांनी बचाव आणि मदत पथकाला घटनास्थळी पाचारण केलं. पण या अपघाताचं कारण अद्याप समोर आलेलं नाही. गुरुवारी दुपारी २.३५ वाजता ही दुर्घटना घडली.

दरम्यान, या अपघातात दोन प्रवाशांचा मृत्यू झाल्याची खात्रीलायक माहिती एएनआय या वृत्तसंस्थेनं दिली आहे. पण वारंवार होत असलेल्या रेल्वेच्या अशा भीषण अपघातांनी रेल्वे प्रशासनाच्या कारभारावर प्रश्नचिन्ह उपस्थित केलं आहे.