Chandrayaan 3 Mission : चंद्रावर जाण्यासाठी सज्ज असलेला भारताचा महत्वाकांक्षी प्रकल्प चांद्रयान ३ बाबत पंतप्रधान नरेंद्र मोदी यांनी भावनिक ट्विट केलं आहे. पंतप्रधान सध्या फ्रान्सच्या दौऱ्यावर आहेत. त्यामुळं या सोनेरी क्षणाचे साक्षीदार होता येणार नाही, त्यामुळं त्यांनी भावना आपल्या ट्विटच्या माध्यमातून व्यक्त केल्या आहेत. (Chandrayaan 3 PM Modi tweets on India ambitious mission elaborates achievements of campaigns)
मोदींनी ट्विटमध्ये म्हटलं की, १४ जुलै २०२३ ही तारीख भारताच्या अंतराळ क्षेत्रासाठी सुवर्णाक्षरांनी लिहिली जाईल. चांद्रयान ३ हे आपली तिसरी चांद्रमोहिमेचा प्रवास आता सुरु होणार आहे. ही असामान्य मोहिम आपल्या देशाच्या आशा आणि आकांक्षांचं प्रतिक आहे. त्यामुळं माझ्या या मोहिमेसाठी शुभेच्छा असून तुम्हाला या मोहिमेबद्दल तसेच आपण अंतराळ, विज्ञान आणि संशोधनात काय काम केलंय याची अधिक माहिती व्हायला हवी. याचा तुम्हाला नक्कीच अभिमान वाटेल. (Latest Marathi News)
मोदींनी पुढे एकामागून एक अनेक ट्विट करत भारताच्या एकूणच अंतराळ मोहिमेची माहिती दिली आहे. आपल्या या ट्विट्समध्ये मोदी म्हणतात, चांद्रयान 3 चा समावेश ट्रान्सफर ट्रॅजेक्टोरीमध्ये केला जाईल. 3,00,000 किमी पेक्षा जास्त अंतर कापून ते येत्या काही आठवड्यात चंद्रावर पोहोचेल. या यानातील वैज्ञानिक उपकरणं चंद्राच्या पृष्ठभागाचा अभ्यास करतील आणि आपल्या ज्ञानात भर टाकतील. (Marathi Tajya Batmya)
आपल्या शास्त्रज्ञांना धन्यवाद, भारताचा अवकाश क्षेत्रात खूप समृद्ध इतिहास आहे. चांद्रयान-१ हे जागतिक चंद्र मोहिमांमध्ये एक मैलाचा दगड मानले जाते, कारण त्यानं चंद्रावर पाण्याच्या रेणूंच्या उपस्थितीची पुष्टी केली आहे. हे जगभरातील 200 हून अधिक वैज्ञानिक प्रकाशनांमध्ये समाविष्ट झालं आहे.
चांद्रयान-1 पर्यंत, चंद्र कोरडा, भूवैज्ञानिकदृष्ट्या निष्क्रिय आणि निर्जन खगोलीय पिंड असल्याचं मानलं जात होतं. पण आता, हाच कोरडा चंद्रावर पाणी आणि बर्फाच्या अस्तित्वासह एक गतिशील आणि भूगर्भीयदृष्ट्या सक्रिय ग्रह म्हणून पाहिले जातं आहे. कदाचित भविष्यात, तिथं संभाव्य वस्ती असू शकते!
चांद्रयान-2 हे तितकेच पथदर्शक होते कारण त्याच्याशी संबंधित ऑर्बिटरच्या डेटानं रिमोट सेन्सिंगद्वारे प्रथमच क्रोमियम, मॅगेनीज आणि सोडियम असल्याचं शोधून काढलं. हे चंद्राच्या चुंबकीय उत्क्रांतीबद्दल अधिक माहिती देखील देतं, असंही मोदींनी आपल्या ट्विट्समध्ये म्हटलं आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.