नवी दिल्ली : छत्तीसगड आणि मध्य प्रदेशच्या विधानसभा निवडणुकांचे पडघम आता वाजू लागले आहेत. निवडणूक आयोगानं या दोन राज्यांच्या निवडणुका जाहीर करण्याआधीच भाजपनं आपले उमेदवार जाहीर केले आहेत.

तर काँग्रेसकडून या राज्यांतील निवडणुकांसाठी पदाधिकाऱ्यांच्या नियुक्त्या केल्या आहेत. त्यामुळं लवकरच या दोन्ही राज्यांच्या विधानसभा निवडणुका जाहीर होण्याची शक्यता आहे. (Chhattisgarh Madhya Pradesh Vidhan Sabha Elections Imp appointments from Congress and BJP)

काँग्रेसकडून नियुक्त्या

काँग्रेसनं वरिष्ठ नेते मुकुल वासनिक यांची गुजरातसाठी सरचिटणीस प्रभारी म्हणून नियुक्ती केली आहे. तर रणदीपसिंह सुरजेवाला यांची मध्य प्रदेशसाठी सरचिटणीस प्रभारी ही अतिरिक्त जबाबदारी देण्यात आली आहे. तर आमदार अजय राय यांची उत्तर प्रदेश काँग्रेस कमिटीच्या अध्यक्षपदी नियुक्ती करण्यात आली आहे. (Latest Marathi News)

भाजपची पहिली यादी जाहीर

दरम्यान, भाजपनं छत्तीसगड आणि मध्य प्रदेशच्या उमेदवारांची पहिली यादी जाहीर केली आहे. या यादीत मध्य प्रदेशातील ३९ उमेदवारांचा तर छत्तीसगडमधील २१ उमेदवारांचा समावेश आहे. विशेष म्हणजे मध्य प्रदेशचे मुख्यमंत्री शिवराज सिंह चौहान यांचं नाव या पहिल्या यादीत आलेलं नाही. तसेच छत्तीसगडमध्ये माजी मुख्यमंत्री रमण सिंह यांच्या नावाचाही अद्याप यादीत समावेश झालेला नाही.