उत्तर प्रदेशचे (Uttar Pradesh) मुख्यमंत्री योगी आदित्यनाथ (Yogi Adityanath) यांच्या हेलिकॉप्टरचं Helicopter वाराणसीमध्ये (Varanasi) नुकतंच इमर्जन्सी लँडिंग करण्यात आलंय. हेलिकॉप्टर पक्ष्याला धडकल्यानंतर इमर्जन्सी लँडिंग करण्यात आल्याचं सांगण्यात येतंय. सध्या मुख्यमंत्री योगी आदित्यनाथ पूर्णपणे सुरक्षित असल्याचं सांगितलं जातंय.

मुख्यमंत्री आदित्यनाथ आता विशेष विमानानं लखनौला रवाना होणार असल्याचं वृत्त आहे. योगी आदित्यनाथ एका कार्यक्रमात सहभागी होण्यासाठी वाराणसीत पोहोचले होते, असं सांगण्यात येतंय. येथून लखनौला उड्डाण केल्यानंतर त्यांचं हेलिकॉप्टर एका पक्ष्याला धडकलं. यानंतर हेलिकॉप्टरमध्ये उपस्थित सुरक्षा अधिकाऱ्यांनी सीएम योगींच्या हेलिकॉप्टरचं इमर्जन्सी लँडिंग केलं.

मिळालेल्या माहितीनुसार, हेलिकॉप्टरच्या इमर्जन्सी लँडिंगनंतर योगी आदित्यनाथ वाराणसीतील सर्किट हाऊसमध्ये काही काळ थांबले. मुख्यमंत्री योगी आता विशेष विमानानं लखनौला रवाना होणार असल्याचं सांगण्यात येतंय. योगी आदित्यनाथ लखनौमध्ये अनेक कार्यक्रमांमध्ये सहभागी होणार आहेत.