Condom Packs with Party Names: निवडणूक जिंकण्यासाठी राजकीय पक्ष काय करत नाहीत? निवडणुकीपूर्वी राजकीय पक्षांकडून पैसे, दारू आणि साड्यांचे वाटप सर्रासपणे केले जाते. पण, हे प्रकरण इथेच थांबलेले नाही. दारू आणि साडीपाठोपाठ आता कंडोमचाही निवडणूक घोषणांच्या यादीत समावेश करण्यात आला आहे.
हा पराक्रम आंध्र प्रदेशमध्ये करण्यात आला आहे, जिथे राज्यातील दोन्ही प्रमुख राजकीय पक्षांनी कंडोमच्या पॅकेटवर निवडणूक चिन्ह आणि पक्षाचे नाव छापून ते घरोघरी वाटल्याचा आरोप आहे. यासंबंधीचे व्हिडिओ सोशल मीडियावर मोठ्या प्रमाणात व्हायरल होत आहेत.
व्हायरल व्हिडिओमध्ये, कामगार सत्ताधारी वायएसआर काँग्रेस आणि प्रमुख विरोधी पक्ष टीडीपी या दोन्ही पक्षांचे निवडणूक चिन्ह असलेली कंडोमची पाकिटे वाटताना दिसत आहेत. मतदारांना घरोघरी जाऊन ही पाकिटे दिली जात आहेत.यासंबधीचा व्हिडीओ सोशल मिडीयावर व्हायरल होताना दिसत आहे.
व्हिडिओमध्ये एक व्यक्ती सरकारी योजनांच्या लाभार्थ्यांची संख्या कमी करण्याविषयी बोलत असल्याचे दाखवले आहे. लोकसभा निवडणुकीसाठी कार्यकर्ते घरोघरी जाऊन प्रचार करत असून त्यांच्या पक्षाचे निवडणूक चिन्ह असलेले कंडोमचे वाटप करत आहेत. आश्चर्याची गोष्ट म्हणजे कंडोम वाटपावरून दोन्ही पक्षांनी एकमेकांवर टीका केली आहे.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.