बंगळूर : काँग्रेसने (Congress) सोमवारी विधान परिषद पोटनिवडणुकीसाठी (Vidhan Parishad Election) उमेदवारांची यादी जाहीर केली. गेल्या विधानसभा निवडणुकीपूर्वी भाजप सोडून काँग्रेसमध्ये प्रवेश केलेल्या माजी मुख्यमंत्री जगदीश शेट्टर (Jagadish Shettar) यांच्यासह तिघांना उमेदवारी दिली आहे.

हुबळी-धारवाड मध्य विधानसभा मतदारसंघातून निवडणूक लढवलेले आणि पराभूत झालेले जगदीश शेट्टर, मंत्री बोसराजू आणि तिप्पाण्णा कमकनूर यांना कर्नाटक विधान परिषदेसाठी काँग्रेसने उमेदवारी दिली आहे.

लक्ष्मण सवदी, आर. शंकर आणि बाबूराव चिंचणसूर यांच्या राजीनाम्यामुळे रिक्त झालेल्या तीन जागांसाठी निवडणूक आयोगाने पोटनिवडणूक जाहीर केली आहे.