काँग्रेसचे नेता उदित राज यांनी राष्ट्रपती द्रोपदी मुर्मू यांच्यावर ट्विटरवरून टिका केली आहे. त्यांच्या या टीकेवर भाजपच्या नेत्याने पलटवारदेखील केला आहे. उदित राज यांनी राष्ट्रपती द्रोपदी मुर्मू यांच्याबद्दल अपमानजनक ट्विट केले आहे. द्रोपदी मुर्मू यांनी एक असे विधान केले होते की , 70 % लोक हे गुजरातचे मीठ खातात , स्वत:चे मीठ खाऊन जगून दाखवाल तर कळेल! मुर्मूंच्या या विधानावर काँग्रेस नेता उदित राज यांनी ट्विट केले आहे की , असे राष्ट्रपती कोणत्याही देशाला ना मिळो !

''उदित राज यांनी ज्याप्रकारच्या शब्दांचा वापर भारताच्या राष्ट्रपती द्रोपदी मुर्मू यांच्यासाठी केला आहे , ते शब्द खूप चिंताजनक आहे. काँग्रेसने पहिल्यांदाच असे वक्तव्य केले नसून ते नेहेमीच अशी वक्तव्ये करत असतात '', असे म्हणत एका भाजप नेत्याने उदित राज यांच्यावर पलटवार केला आहे. तसेच , राष्ट्रीय महिला आयोगाने उदित राज यांना नोटीस देत ''उत्तर देण्यास सांगितले आहे.

''राष्ट्रीय महिला आयोगाच्या अध्यक्षा रेखा शर्मा यांनी ट्विट केले की , स्वत:च्या मेहनतीच्या जोरावर इथपर्यंत पोहोचलेल्या महिलेविषयी अशा प्रकारचे विधान करणे आपत्तीजनक ठरू शकते. त्यामुळे उदित राज यांनी माफी मागितली पाहिजे '' असे राष्ट्रीय महिला आयोगाच्या अध्यक्षा रेखा शर्मा यांनी ट्विट केले आहे. त्याचप्रमाणे भाजप नेते संबित पात्रा यांनी म्हटले की ''उदित राज यांनी जे शब्द द्रोपदी मुर्मू यांच्यासाठी वापरले आहेत , ते शब्द खूप चिंताजनक आहे. काँग्रेसचे हे पहिले विधान कनसून ते नेहेमीच अशी वक्तव्ये करत असतात. याआधीही काही जणांनी अशी वक्तव्ये केलेली आहेत.