Congress Replied on allegations: राहुल गांधी यांनी बुधवारी (दि.९ ऑगस्ट)संसदेत भाषण केले. भाषण संपल्यावर त्यांनी अभद्र देहबोलीचा वापर केल्याचा आरोप केंद्रीय मंत्री स्मृती इराणी यांनी लावला. त्या म्हणाल्या की राहुल गांधींनी फ्लाईंग किस करत संसदेचा आणि संसदेतल्या महिला खासदारांचा अपमान केलाय.

आता यावर कॉंग्रेसच्या नेत्याकडून प्रतिक्रिया देण्यात आली आहे. कॉंग्रेस खासदार कार्ती चिदंबरम यांनी स्मृती इराणींनी राहुल गांधीवर केलेल्या गैरवर्तनाच्या आरोपावर प्रतिक्रिया दिली आहे.

स्मृती इराणींनी राहुल गांधींवर जो गैरवर्तानाचा आरोप लावला होता, यावर कार्ती चिदंबरम म्हणाले की ते भारतीय जनता पक्षाच्या विषयांतर करण्याच्या पद्धतीशी मीअवगत नाहीये. भाजप नेत्यांनी राहुल गांधींच्या भाषणातील महत्वाच्या भागावरुन लक्ष विचलीत करण्याचा दुर्भाग्यपूर्ण प्रयत्न करत आहेत.

राहुल गांधींनी खासदारकी बहाल झाल्यावर लोकसभेत पहिल्यांदा भाषण केले. त्यावेळी त्यांनी मणिपुरच्या महिलांची व्यथा मांडली. राहुल गांधी जेव्हा मणिपुरमध्ये घडलेल्या घटनांबद्दल बोलत होते, तेव्हा सत्ताधारी पक्षांच्या खासदारांकडून राजस्थानमधील घटनेवर बोलण्याचा आग्रह करण्यात आला.

भाषण संपल्यावर सदनातून बाहेर जाताना त्यांनी फ्लाईंग किस देऊन लोकसभेचा आणि सभागृहातील महिला खासदारांसमोर गैरव्यवहार केला, असा आरोप केंद्रीय मंत्री स्मृती इराणी यांनी केला होता.