नवी दिल्ली - देशात नव्या कोरोना रुग्णांच्या संख्येत मोठी घट झाली आहे. केंद्रीय आरोग्य मंत्र्यांनी जारी केलेल्या आकडेवारीनुसार, गेल्या 24 तासात देशात 25 हजार 166 नवे रुग्ण आढळले आहेत. तर 437 जणांचा मृत्यू झाला आहे. देशातील एकूण कोरोना बाधितांची संख्या 3 कोटी 22 लाख 50 हजार 679 इतकी झाली आहे. भारतात गेल्या 24 तासात नव्या रुग्णसंख्येत 23.5 टक्के घट झाली आहे.

भारतात सध्या 3 लाख 69 हजार 846 सक्रीय रुग्ण आहेत. आतापर्यंत 3 कोटी 14 लाख 48 हजार 754 जणांनी कोरोनावर मात केली आहे. तर कोरोनामुळे 4 लाख 32 हजार 79 जणांना आतापर्यंत प्राण गमवावे लागले आहेत.

देशात कोरोना प्रतिबंधक लसीकरण मोहिम सुरु असून आतापर्यंत 55 कोटी 66 लाख 29 हजार 524 जणांनी लस घेतली आहे. गेल्या 24 तासात 88 लाख 13 हजार 919 जणांनी लस घेतली असून एका दिवसात झालेली ही विक्रमी संख्या आहे.