मेरठ (उत्तर प्रदेश): कोरोना व्हायरसला घाबरून एकाने गळफास घेऊन आत्महत्या केल्याची घटना येथे घडली आहे. आत्महत्येपूर्वी त्याने चिठ्ठी लिहून ठेवली असून, यामुळे परिसरात खळबळ उडाली आहे.

तबलिगी जमातीच्या कार्यक्रमावर नुसरत जहाँ संतापली...

कोरोना व्हायरसने जगभरात धुमाकूळ घातला आहे. कोरोनाच्या भीतीपोटी ऊस विकास परिषदेच्या (शेरमऊ) लिपिकाने  गळफास घेऊन आत्महत्या केल्याची घटना येथे घडली. आत्महत्येपूर्वी चिठ्ठी लिहून ठेवली असून, त्यामध्ये म्हटले आहे की, 'मी, कोरोनापासून खूप घाबरलो आहे आणि मानसिक ताणतणावात आहे, माझा जीव संपवत आहे, माझे सर्व पैसे माझ्या पत्नीला देण्यात यावेत.'

...म्हणून बाळाचं नाव ठेवलं 'लॉकडाऊन'

दरम्यान, ऊस विकास परिषद शेरमऊ यांचे नकुड येथील बायपास स्थित सत्संग भवनाजवळ एक कार्यालय आहे. बुधवारी (ता. 1) रात्री आठ वाजेपर्यंत कार्यालय बंद झाले नव्हते. शेजारी राहणारे जितेंद्रने पाहिले तेंव्हा लिपिक असलेल्या आदेश सैनीचा मृतदेह लटकताना आढळून आला. त्यांनी तत्काळ पोलिसांना कळवल्यानंतर ते घटनास्थळी दाखल झाले. त्यांनी मृतदेह ताब्यात घेऊनशवविच्छेदन अहवालासाठी पाठवला असून, पुढील तपास करत आहेत.

पोलिसाला सलाम; 450 किमी चालत कामावर हजर

कोतवाली प्रभारी सुशील सैनी यांनी सांगितले की, 'आदेश रामपूर मनिहाराण पोलिस ठाण्यातील शेरपूर गावचा होता. घटनास्थळी एक चिठ्ठी सापडली आहे.  प्रथमदर्शनी त्यांनी आत्महत्या केल्याचे दिसत आहे.'

देशात आणीबाणी लागू करा, लष्कर बोलवाः ऋषी कपूर