Death Threat to PM Modi: पंतप्रधान नरेंद्र मोदी यांना जीवे मारण्याची धमकी देण्यात आली आहे. भाजप प्रवक्ते शिवराय कुळकर्णी यांना फोन करून ही धमकी देण्यात आली आहे. याप्रकरणी त्यांनी पोलीस आयुक्त यांच्याकडे तक्रार दाखल केली आहे. तसेच बॉम्बे स्टॉक एक्सचेंज उडून देण्याची धमकी दिली आहे. खालिस्तानी संघटनेने धमकी दिल्याचा आरोप करण्यात येत आहे.

या घटनेनंतर तक्रार दाखल करण्यात आली आहे. तर ६ दिवसांपुर्वी पंतप्रधान नरेंद्र मोदी यांना जीवे मारण्याची धमकी देण्यात आली होती.

भाजप प्रवक्ते शिवराय कुळकर्णी यांनी दाखल केलेल्या तक्रारीमध्ये काय म्हटलंय?

"आज 11 मार्च 2024 रोजी सकाळी 11 वाजून 18 मिनिटांनी +447537168320 या क्रमांकावरून मला फोन आला. कॉल वर युनायटेड किंगडम असे नमूद आहे. या कॉल मध्ये स्वतः खलिस्थान समर्थक दर्शवून पंतप्रधान नरेंद्र मोदीजी यांना जीवे मारण्याची धमकी देण्यात आली. बॉम्बे स्टॉक एक्सचेंज उडवून देण्याची धमकी दिली. या कॉल मध्ये करण्यात आलेली सर्व वक्तव्य भारत विरोधी आहेत. या कॉलचा तपास करण्यात यावा आणि देशविरोधी शक्तींना आवर घालण्याची उचित कारवाई करावी".

काही दिवसांपुर्वी मोदींना सोशल मिडीयावरून आली होती धमकी

पंतप्रधान नरेंद्र मोदी यांच्यासह उत्तर प्रदेशचे मुख्यमंत्री योगी आदित्यनाथ यांना सोशल मिडीयावरून जीवे मारण्याची धमकी देण्यात आली होती. मोहम्मद रसून कद्दरे या व्यक्तीने एक व्हिडिओ शेअर केला होता.