नवी दिल्ली : दिल्लीच्या सरकारी अधिकाऱ्यांच्या बदलांबाबत केंद्र सरकारनं सुप्रीम कोर्टाचा आदेश फिरवत आणलेल्या अध्यादेशाविरोधात आता दिल्ली सरकारनं पुन्हा सुप्रीम कोर्टात धाव घेतली आहे.

या अध्यादेशाला राज्यसभेत विरोधकांनी विरोध करावा यासाठी दिल्लीचे मुख्यमंत्री अरविंद केजरीवाल प्रयत्नशील आहेत. पण आता त्यांनी सुप्रीम कोर्टाचा दरवाजा ठोठवण्याचा निर्णय घेतला आहे. (Delhi govt approaches SC regarding Center ordinance transfer posting of officers)

अध्यादेशाविरोधात 'आप'चा नवा कार्यक्रम

दिल्ली सरकारनं आपल्या याचिकेत म्हटलं की, केंद्र सरकारनं आणलेल्या अध्यादेशाला तात्काळ स्थगिती देण्यात यावी. कारण हा अद्यादेश असंविधानिक आहे. तसेच या अध्यादेशाविरोधात आपल्या पुढच्या मोहिमेची घोषणा आपनं केली आहे.

आपकडून केंद्राच्या अध्यादेशाच्या प्रती जाळण्याचा कार्यक्रम घेण्यात येणार आहे. ३ जुलै रोजी हा कार्यक्रम होणार आहेत त्याचबरोबर ५ जुलै रोजी सर्व विधानसभेत तर ६ जुलैपासून १३ जुलैपर्यंत प्रत्येक गल्लीबोळात, चौकात या अध्यादेशाच्या प्रती जाळण्याचा कार्यक्रम घेण्यात येणार आहे.