नवी दिल्ली : पंतप्रधान नरेंद्र मोदी यांना भेटण्यासाठी भाजपचे अनेक खासदार सहकुटुंब भेटण्यासाठी जातात. आज भाजपचे खासदार अनिल फिरोजिया यांनी मोदींची आपल्या कुटुंबासह भेट घेतली. यावेळी त्यांच्या पाच वर्षांच्या मुलीने मोदींना खळखळून हसवलं. (Narendra Modi News in Marathi)

मध्य प्रदेशातील भाजप खासदार अनिल फिरोजिया यांनी आपल्या कुटुंबाला संसदेत पंतप्रधानांना भेटण्यासाठी आणले होते. त्यावेळी पंतप्रधान मोदींना त्यांची मुलगी अहाना फिरोजिया हिला पाहून आनंद झाला. त्यानंतर मोदींनी मी कोण असा प्रश्न अहानाला केला. त्यावर अहाना म्हणाली, तुम्ही मोदीजी आहात आणि रोज टीव्हीवर येता.

त्यानंतर मोदींनी अहानाला विचारलं मी काय करतो ठावूक आहे का, त्यावर अहाना म्हणाली की, तुम्ही लोकसभेत असता. त्यावर एकच हशा पिकला. यावेळी पंतप्रधान मोदी देखील खळखळून हसले. त्यानंतर मोदीजींनी अहानाला चॉकलेट भेट दिले.

अनिल फिरोझिया सर्वांना ठावूक आहेत. केंद्रीय मंत्री नितीन गडकरी यांना वजन कमी करण्याचं आव्हान दिलं होतं. तसेच एक किलो वजन कमी केल्यास मतदार संघासाठी 1 हजार कोटी निधी देईल असं आश्वासन दिलं होतं. त्यानंतर ते चर्चेत आले होते. पंतप्रधान मोदींनीही देखील त्यांच्या वजन कमी करण्यावर भाष्य केले होते.

यावेळी मोदींनी फिरोझिया यांना मोदींनी पूर्णपणे तंदरुस्त राहण्यासाठी आणखी वजन कमी करण्याची गरज असल्याचं बोलून दाखवलं.