Darshan Dhaliwal : पंजाबमध्ये दोन वर्षांपूर्वी झालेल्या शेतकरी आंदोलनाने अवघ्या देशाचं लक्ष केंद्रीत केले होते.

हे ही वाचा : या महामार्गामुळं खरंच येईल 'समृद्धी'?

शेतकऱ्यांच्या या आंदोलनानंतर केंद्राकडून वादग्रस्त कृषी कायदे मागे घेतले. मात्र, या सर्वामध्ये शेतकरी आंदोलनामुळे चर्चेत आलेल्या अमेरिकास्थित NRI उद्योगपती आणि प्रवासी भारतीय सन्मान पुरस्कार विजेते दर्शन सिंह धालीवाल यांनी पंतप्रधान नरेंद्र मोदींबाबत मोठा दावा केला आहे.

'द इंडियन एक्स्प्रेस' या इंग्रजी वृत्तपत्राशी बोलताना धालीवाल म्हणाले की, पंतप्रधान नरेंद्र मोदींनी एप्रिल 2022 मध्ये मला विमानतळावरून परत पाठवण्याच्या घटनेबद्दल माफी मागितली होती असा दावा धालीवाल यांनी केला आहे.

मोदींनी 150 लोकांसमोर माझी माफी मागत 'आम्ही खूप मोठी चूक केली, तुम्हाला परत पाठवले, पण तुमचे मोठेपण की आम्ही बोलावल्यानंतर तुम्ही पुरस्कार स्वीकारण्यास परत आल्याचे.मोदी म्हटले, असे धालीवाल यांनी म्हटले आहे.

राजधानी दिल्लीत सीमेजवळ शेतकरी आंदोलनात लंगरची व्यवस्था केल्याच्या आरोपावरून दर्शनसिंग धालीवाल यांना २३ आणि २४ ऑक्टोबर २०२१ च्या रात्री दिल्ली विमानतळावरून परत पाठवण्यात आले होते.

धालीवाल यांचा मंगळवारी (दि. १० जानेवारी) देशाच्या राष्ट्रपती द्रौपदी मुर्मूंकडून प्रवासी भारतीय सन्मान पुरस्कार स्वीकारल्यानंतर 'द इंडियन एक्स्प्रेस'शी बोलताना धालीवाल यांनी हा दावा केला आहे.

अधिकाऱ्यांनी दिले होते दोन पर्याय

धालीवाल म्हणाले की, विमानतळावरील अधिकाऱ्यांनी मला दोन पर्याय दिले होते. त्यापैकी एक म्हणजे लंगर थांबवून शेतकऱ्यांशी मध्यस्थी करण्याचा पहिला पर्याय दिला होता. तर, दुसरा पर्याय परत जाण्याचा दिला होता.

दरम्यान, शेतकरी आंदोलनाच्या परत पाठवण्यारे भारत सरकार आज मला सर्वोच्च पुरस्कार प्रदान करत आहेत. ही सर्व देवाची दया आहे. यावेळी त्यांनी पंजाब सरकारकडून अनेक पुरस्कार मिळाल्याचेही सांगितले.