बंगळूर : शहराला हादरवून सोडणाऱ्या व्हाईटफिल्ड येथील रामेश्वरम कॅफे बॉम्बस्फोट प्रकरणाची (Rameshwaram Cafe Blast Case) गंभीर दखल घेत तातडीने कारवाई करणाऱ्या राष्ट्रीय तपास संस्थेच्या (NIA) अधिकाऱ्यांनी चेन्नईच्या अनेक भागात छापे टाकून पाच जणांना अटक केली.

एनआयए अधिकाऱ्यांनी चेन्नईतील (Chennai) सिद्दयाल टाउन आणि बिदरियार मंदिराजवळील काही घरांवर छापे टाकले आणि पाच जणांना अटक केली आणि अज्ञात ठिकाणी त्यांची चौकशी केली. चेन्नईत अटक करण्यात आलेल्या चौघांचे आरटीनगरचा कुख्यात दहशतवादी नझीरशी संबंध असल्याचे निष्पन्न झाले आहे. अधिक तपास सुरू आहे.

समशुद्दीनच्या घरावर तामिळनाडूतील रामनाथपुरम जिल्ह्यातील किलाकराई भागात छापा टाकला. सध्या परप्पन अग्रहार तुरुंगात असलेला नझीर हा तुरुंगातून कट रचणारा कुख्यात दहशतवादी आहे. पोलिसांनी सय्यद सोहेल, जाहिद, मुदासीर, उमर, फैजल यांना ग्रेनेड, पिस्तूल आणि जिवंत गोळ्यांसह अटक करण्यात आली.

त्यानंतर सात पिस्तुले, पंचेचाळीस जिवंत गोळ्या, पंधरा मोबाईल फोन, २० हून अधिक सिमकार्ड, एक खंजीर जप्त केला. एक फेब्रुवारीला झालेल्या रामेश्वरम कॅफे बॉम्बस्फोटातही नझीरचा हात आहे का, त्याची चौकशी सुरु आहे. आता नझीरशी चौकशी केली जाणार आहे. सध्या नझीर परप्पनच्या अग्रहार कारागृहात आहे.