नाशिक : ‘‘पूर्वीच्या एका चुकीमुळे भारताचाच हिस्सा असलेला काश्मीरचा मोठा भाग, पाकव्याप्त (पीओके) झाला. आपण तो आज ना उद्या आपल्या ताब्यात घेऊच. पीओके म्हणजे काही लक्ष्मणरेषा नाही की जी भारत कधीही ओलांडणार नाही,’’

असे मत परराष्ट्रमंत्री एस. जयशंकर यांनी व्यक्त केले. श्वास फाउंडेशनच्या वतीने ‘विश्वबंधू भारत’ या संकल्पनेअंतर्गत परराष्ट्रमंत्री एस. जयशंकर यांच्या प्रकट मुलाखतीचे आयोजन करण्यात आले होते. त्याप्रसंगी ते बोलत होते.

परराष्ट्रमंत्री एस. जयशंकर म्हणाले, ‘‘गेल्या दहा वर्षांमध्ये भारताने आंतरराष्ट्रीय पातळीवर स्वत:ची ओळख निर्माण केली आहे. यामागे देशाला लाभलेले नेतृत्व कारणीभूत असून, कोणत्याही परिस्थितीला सामोरे जाण्याची क्षमता आज भारताकडे आहे.’’