नवी दिल्ली - दिल्लीतील जहांगीरपुरी येथे एका अल्पवयीन मुलाने जावेद नावाच्या व्यक्तीवर भरदिवसा गोळीबार केला. अल्पवयीन मुलासोबत त्याचे तीन मित्रही होते. ही घटना शुक्रवारी सायंकाळी पाचच्या सुमारास घडली. या घटनेचा व्हिडिओ सीसीटीव्हीत कैद झाला आहे. (Minor boys Firing news in Marathi)

मिळालेल्या माहितीनुसार, सात महिन्यांपूर्वी जावेदने अल्पवयीन मुलाच्या वडिलांना मारहाण केली होती. त्याचा बदला घेण्यासाठी अल्पवयीन मुलाने हा गोळीबार केल्याचं समोर आलं आहे.

व्हिडीओ फुटेजमध्ये, जावेद रस्त्याच्या कडेला असलेल्या दुकानांसमोर बसलेला होता. त्याचवेळी चार मुले तिथे आले. अचानक एक मुलगा पुढे सरकला आणि त्याने जावेदवर गोळी झाडली. त्यानंतर चारही मुले पळून गेले. गोळी झाडल्यानंतर जावेद जागेवरून हलत देखील नसल्याचं व्हिडिओमध्ये दिसून येते. बंदुकीची गोळी त्याला स्पर्श करून गेल्याचा अंदाज वर्तवला जात आहे.

या प्रकरणाची माहिती पोलिसांना मिळेपर्यंत, चारही आरोपी घटनास्थळावरून फरार झाले होते. मात्र पोलिसांनी अल्पावधीतच सर्व आरोपींना अटक करून कलम ३०७ अन्वये गुन्हा दाखल केला. तर गोळीबारात जखमी झालेल्या व्यक्तीवर रुग्णालयात उपचार सुरू आहेत. जावेदने पोलिसांनी सांगितले की, तो त्याच्या भागातील एच-3 ब्लॉकजवळ बसलेला होता. त्याचवेळी आपल्या ओळखीचे तीन मुले तेथे आली. त्यातील एकाने आपल्यावर गोळीबार केला.