Cochin University : कोचीच्या कलामसेरी येथील कॅम्पसमध्ये टेक फेस्टदरम्यान झालेल्या चेंगराचेंगरीत कोचीन युनिव्हर्सिटी ऑफ सायन्स अँड टेक्नॉलॉजीच्या चार विद्यार्थ्यांचा मृत्यू झाला आहे. कॅम्पसमधील ओपन एअर ऑडिटोरियममध्ये झालेल्या कार्यक्रमात सायंकाळी ७ च्या सुमारास ही घटना घडली.

अचानक झालेल्या पावसात विद्यार्थ्यांनी स्टेजवर धाव घेतल्याने चेंगराचेंगरी झाल्याची माहिती आहे. गर्दीमुळे काही विद्यार्थी खाली पडले, त्यामुळे चेंगराचेंगरी झाली.

पार्श्वगायिका निकिता गांधी यांच्या लाइव्ह कॉन्सर्टमध्ये सहभागी होण्यासाठी विद्यार्थी जमले होते. पीडितांमध्ये दोन मुले आणि दोन मुली आहेत. तर 46 विद्यार्थी जखमी झाले आहेत. जखमी विद्यार्थ्यांना कळमसेरी येथील शासकीय वैद्यकीय महाविद्यालयात हलविण्यात आले. (Latest Marathi News)

एर्नाकुलमचे जिल्हाधिकारी एनएसके उमेश यांनी सांगितले की, दोन विद्यार्थ्यांची प्रकृती गंभीर असून त्यांच्यावर उपचार सुरू आहेत. जिल्हा वैद्यकीय अधिकाऱ्यांसह डॉक्टरांचे पथक रुग्णालयात पोहोचले.

तसेच राज्याच्या आरोग्यमंत्र्यांनी म्हणाले, या घटनेत 64 जण जखमी झाले आहेत. याशिवाय 18 जणांना कोची येथील खासगी रुग्णालयात नेण्यात आले. चार विद्यार्थ्यांना मृत घोषित करण्यात आले. त्यांची ओळख पटलेली नाही.