लखनौ (उत्तर प्रदेश): एक चार वर्षांचा मुलगा रुग्णालयात स्ट्रेचर ढकलत असल्याचे छायाचित्र आणि व्हिडिओ सोशल मीडियावर व्हायरल झाले असून, आरोग्य विभागाचे तीन-तेरा वाजल्याच्या प्रतिक्रिया नेटिझन्स नोंदवत आहेत. कोरोनाच्या संकटात रुग्णालयातील धक्कादायक वास्तव समोर आले आहे.

एका चार वर्षांच्या चिमुकल्यावर आपल्या आईसह रुग्णालयात स्ट्रेचर ढकलण्याची वेळ आली आहे. कारण, संबंधित रुग्णालयात स्ट्रेचवरून नेण्यासाठी पैसे द्यावे लागतात. आणि हे कुटुंब गरीब असल्यामुळे त्यांच्याकडे पैसे नाहीत. पैसे नसल्यामुळे रुग्णांच्या नातेवाईकांनाच स्ट्रेचर ढकलावा लागत आहे. देवरिया जिल्ह्यातील एका रुग्णालयात हा प्रकार घडला आहे. या घटनेचा एक व्हिडीओ सोशल मीडियावर जोरदार व्हायरल झाल्यानंतर प्रशासनाला खाडकन जागे झाले आहे.

पत्रकाराला शेवटी सांगितले मी कोरोना पॉझिटिव्ह...

प्रसारमाध्यमांनी दिलेल्या वृत्तानुसार, 'बिंदू यादव आणि त्यांचा चार वर्षांचा मुलगा स्ट्रेचर ढकलताना दिसत आहे. बिंदू यांच्या साठ वर्षीय वडिलांना काही लोकांनी बेदम मारहाण केली. या मारहाणीत वडिलांच्या हात-पायांना दुखापत झाली. उपचारासाठी त्यांना जिल्ह्यातील एका रुग्णालयात दाखल करण्यात आले आहे. एका वॉर्डमधून ड्रेसिंग करून घेण्यासाठी त्यांना जावे लागते. मात्र, याच वेळी स्टेचर खेचण्यासाठी रुग्णालयातील कर्मचारी पैशाची मागणी करतात. गरीब असल्याने आमच्याकडे पैसे नाहीत त्यामुळे मी आणि माझा चार वर्षाचा मुलगा स्ट्रेचर ओढल्याची माहिती महिलेने दिली आहे.'

Video: शेळ्या कशा नाचतायेत पाहा...

दरम्यान, बिहारच्या सिवान जिल्ह्यात माणुसकीला काळीमा फासणारी एक घटना समोर आली आहे. रुग्णालयाबाहेर एक महिला भर पावसात कित्येक तास जमिनीवर पडून होती. मात्र, कोणीही तिच्या मदतीसाठी पुढे आले नाही. एका ट्विटर युजरने आपल्या ट्विटर अकाऊंटवरून या धक्कादायक घटनेचे काही फोटो पोस्ट केले आहेत. त्यानंतर ही घटना समोर आली रुग्णालयाबाहेर जमिनीवर पडून असलेल्या या महिलेचा एक व्हिडीओही सोशल मीडियावर जोरदार व्हायरल झाला आहे. ही घटना वेगाने पसरल्यानंतर रुग्णालय प्रशासनाने महिलेला रुग्णालयात दाखल करून घेतले. तसेच तिच्यावर उपचार सुरू केले आहेत.