Mahatma Gandhi Role Played by Actors : राष्ट्रपिता महात्मा गांधी यांची आज पुण्यतिथी आहे. त्यांच्या निधनाने सारा देश जणू आपल्या डोक्यावरून पित्याच छत्रच हरवलं आहे या दुःखात रडत होता. गांधीजी भारतासाठी खूप झटले आहेत, वेळप्रसंगी स्वतःच्या जिवाचीही त्यांनी परवा केली नाही. आजच्याच दिवशी नथुराम गोडसेने गांधीजींवर गोळ्या घालून त्यांची हत्त्या केली होती.

आजवर गांधीजींवर अनेक चित्रपट होऊन गेलेत, प्रत्येकाने आपले बापू त्यांना पटले, दिसले, कळले तसे मांडले; त्यातल्या काही भूमिकांना लोकांनीही अगदी डोक्यावर उचलले होते.

बेन किंग्सले (१९८२)

ऑस्कर विजेता चित्रपट गांधी हा गांधीजींच्या आठवणींवर आधारित आहे. यात ब्रिटीश अभिनेता बेन किंग्सलेने महात्मा गांधींची भूमिका साकारली, ज्याने प्रत्येकाच्या मनावर दीर्घकाळ छाप सोडली आहे. हा चित्रपट गांधींच्या जीवनातील विविध पैलू आणि स्वातंत्र्यलढ्यातील त्यांच्या हत्येपर्यंतच्या काळांचे प्रतिनिधित्व करतो.

अन्नू कपूर (१९९३)

केतन मेहता दिग्दर्शित सरदार वल्लभभाई पटेल बायोपिकमध्ये गांधीजींच्या भूमिकेत अभिनेता अन्नू कपूरची भूमिका छोटी होती. पण, बेन किंग्सले यांच्यानंतर गांधीजींची भूमिका करण्याचे आव्हान त्यांनी स्वीकारले, हे कौतुकास्पद आहे.

रजित कपूर (१९९६)

द मेकिंग ऑफ द महात्मा (१९९६) च्या श्याम बेनेगल दिग्दर्शित या चित्रपटात, रजित कपूर यांनी दक्षिण आफ्रिकेतील २१ महत्त्वपूर्ण वर्षांच्या काळात गांधींची भूमिका साकारली होती. फातिमा मीर यांच्या 'द अप्रेंटिसशिप ऑफ अ महात्मा' या पुस्तकावर आधारित 'द मेकिंग ऑफ द महात्मा' या चित्रपटाला रजित कपूर यांना राष्ट्रीय पुरस्कार मिळाला. इंग्रजीतील सर्वोत्कृष्ट फीचर फिल्मसाठी राष्ट्रीय पुरस्कारानेही गौरवण्यात आले.

मोहन गोखले (१९९८)

डॉ. बाबासाहेब आंबेडकर हा चित्रपट डॉ. बी.आर. आंबेडकर यांच्या जीवनावर आधारित असून यात मराठी अभिनेते मोहन गोखले यांनी महात्मा गांधींच्या भूमिका साकारली होती. हा चित्रपट २००० मध्ये व्यावसायिकरित्या पुन्हा प्रदर्शित झाला.

नसीरुद्दीन शाह (२०००)

कमल हसन यांच्या हे राम या चित्रपटात गांधीची भूमिका आधी मोहन गोखले साकारणार होते पण शूटिंग सुरू होण्याआधीच त्यांच्या मृत्यू झाल्याने ही भूमिका नंतर नसीरुद्दीन शहा यांनी साकारली.

दिलीप प्रभावळकर (२००६)

लगे रहो मुन्ना भाई (2006) राजू हिरानी दिग्दर्शित या चित्रपटात दिलीप प्रभावळकर यांनी गांधींची भूमिका सभ्य, विनोदी अन् मायाळू स्वभावाचे नेतृत्व करत साकारली. या भूमिकेने लाखो चित्रपट रसिकांची मने जिंकली. कॉमेडीमध्ये रामाणिकपणा, मानवतावाद आणि अहिंसा या गांधीवादी श्रद्धेने जीवनातील कोणतीही समस्या कशी सोडवली जाऊ शकते याचे चित्रण केले आहे. या चित्रपटाला चार राष्ट्रीय चित्रपट पुरस्कार मिळाले.

दर्शन जरीवाला (२००७)

गांधी, माय फादर (२००७) हा बॉलीवूड चित्रपट अनिल कपूर निर्मित असून या चित्रपटात महात्मा गांधीजी आणि त्यांचा मुलगा यांच्यातील विस्कळीत नाते दाखवण्यात आले आहे. दर्शन जरीवालाने गांधीजींची भूमिका केली आणि अक्षय खन्ना याने हरिलाल गांधींची भूमिका साकारली. स्वातंत्र्यलढ्यातील गांधींच्या भूमिकेव्यतिरिक्त, त्यात त्यांच्या कुटुंबासह त्यांच्या वैयक्तिक जीवनातील काही पैलूंचे चित्रण आहे.

सुरेंद्र राजन

अभिनेते सुरेंद्र राजन यांनी अनेक चित्रपटांमध्ये गांधीजींची भूमिका साकारली आहे. लिजेंड ऑफ भगतसिंग, वीर सावरकर आणि नेताजी सुभाषचंद्र बोस: द फॉरगॉटन हिरो यासह अनेक प्रसंगी फादर ऑफ द नेशनची भूमिका साकारली आहे.

दिपक अंतानी (२०२३)

सध्याचा बहूचर्चित सिनेमा म्हणजे गांधी गोडसे एक युद्ध. राजकुमार संतोषी दिग्दर्शित हा चित्रपट आपल्याला आपल्या कल्पनाशक्तीच्या जोरावर गांधी आणि गोडसेंची एक वेगळी बाजू समजून घेयला प्रवृत्त करतो.