बाराबंकी (उत्तर प्रदेश): पोलिसांनी घराचा दरवाजा तोडला. पण, दरवाजा तोडल्यानंतर समोरील दृष्य पाहून धक्का बसला. एक मुलगी तिच्या आईच्या सांगाड्याला घट्ट मिठी मारून बसली होती. आईच्या मृतदेहाजवळ तब्बल चार महिने बसून राहिल्याचा धक्कादायक प्रकार समोर आला आहे.
व्हि. के. टंडन यांच्या मृत्यूनंतर पत्नी आणि मुलगी दोघीच घरी राहात होत्या. पण, गेल्या काही दिवसांपासून दोघीही कोणाला दिसल्या नव्हत्या. शेजारील नागरिकांना संशय आल्यामुळे त्यांनी याबाबतची माहिती पोलिसांना दिली. पोलिस घटनास्थळी आल्यानंतर घराला बाहेरून कुलूप होते. पोलिसांनी घराचा दरवाजा तोडण्याचा निर्णय घेतला. घराचा दरवाजा तोडल्यानंतर धक्काच बसला. घरामध्ये आईच्या मृतदेहाला घट्ट पकडून मुलगी बसून होती. मृतदेहावर ब्लँकेट आणि चादर घातली होती. शिवाय, मृतदेहाचे सांगाड्यात रुपांतर झाले होते. मुलगी जागची उठायला तयार नव्हती. अखेर पोलिसांनी सांगाडा ताब्यात घेतला असून, शवविच्छेदनासाठी पाठवला आहे. मुलीची मानसिक स्थिती चांगली नसल्याचे दिसून आले.
दरम्यान, मुलीला उपचारासाठी रुग्णालयात दाखल करण्यात आले असून, पोलिस पुढील तपास करत आहेत.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.