गांधीनगर : गुजरातेतील मोरबी येथीर मच्छू नदीवरील केबल पूल पडल्याची घटना रविवारी सायंकाळी घडली. यामध्ये आत्तापर्यंत १३२ जणांचा मृत्यू झाल्याची माहिती समोर आली असून अनेकजण जखमी झाले आहेत. दुर्घटनेवेळी या पुलावर ४०० ते ५०० लोकं असल्याची माहिती असून पूल कोसळतानाचा व्हिडिओ सध्या समोर आला आहे.

(Gujrat Bridge Collapse Video Viral)

या घटनेचे CCTV फुटेज समोर आलं असून यामध्ये पूल कोसळतानाचे भयानक दृश्य आहेत. तर पूल कोसळण्याआधी काही तरूण हा पूल हलवण्याचा प्रयत्न करताना दिसत आहेत. हा भयानक व्हिडिओ आपल्यालाही विचलीत करू शकतो. त्यामुळे सध्या हा व्हिडिओ प्रचंड व्हायरल होत आहे.

खासदाराच्या कुटुंबातील १२ जणांचा मृत्यू

या घटनेत फक्त सर्वसामान्यच नाही तर खासदार मोहनभाई कल्याणजी कुंदरिया यांच्या कुटुंबातील १२ सदस्य या घटनेत मृत्यूमुखी पडले आहेत. तर या घटनेत मृत्यूमुखी पडलेल्यांच्या नातेवाईकांना राज्य सरकारने ४ लाखांची तर केंद्र सरकारने २ लाखांची मदत जाहीर केली आहे. तर जखमींना राज्य सरकारने ५० हजारांच्या मदतीची घोषणा केली आहे.