Haryana Nuh yatra News : हरियाणा येथील नल्हार येथे विश्व हिंदू परिषद आणि बजरंग दलाने नूह येथे काढलेल्या धार्मिक मिरवणुकी वेळी दंगल उसळली होती.यावेळी गोळीबार आणि दगडफेकही झाली होती. सुमारे 2,500 लोकांना मंदिरात आश्रय घ्यावा लागला होता.
याबाबत पोलिसांनी एफ आय आर दाखल केली आहे, यात त्यांनी म्हटले आहे की, नल्हार येथील शिवमंदिरापासून विश्व हिंदू परिषदेची मिरवणूक निघाली. यावेळी 800-900 लोकांचा जमावाने 'पाकिस्तान जिंदाबाद' आणि 'अल्लाह हू अकबर'च्या घोषणा दिल्या. याचबरोबर मारण्याच्या उद्देशाने' लाठ्या, दगड आणि बेकायदेशीर शस्त्रे घेऊन मंदिराकडे नीघाले.
याचबरोबर एफ.आय.आर मध्ये असेही म्हटले आहे कि, जवळच्या शेतातून शिव मंदिरावर हल्ला करण्यात आला. शेकडो लोकांनी दगडफेक केली. काठ्या आणि पेट्रोल बॉम्बने हल्ला केला.
सोमवारी नूहमध्ये धार्मिक मिरवणुकीवर दगडफेक आणि गाड्या पेटवल्यानंतर अनेक ठिकाणी हिंसाचार उसळला. या चकमकींमध्ये दोन होमगार्ड आणि एका मौलवीसह सहा जणांचा मृत्यू झाला आहे.
गुरुवारी, गुरुग्राममध्ये एका मशिदीला आग लागल्यानंतर ताज्या हिंसाचाराची नोंद झाली तर हरियाणाच्या नूह जिल्ह्यात शॉर्ट सर्किटमुळे आग लागली, असे पोलिसांनी वृत्तसंस्था पीटीआयला सांगितले. एक मशीद विजय चौकाजवळ आहे, तर दुसरी पोलिस ठाण्याजवळ आहे. दोन्ही मशिदींचे काही प्रमाणात नुकसान झाल्याचे पोलिसांनी सांगितले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.