नवी दिल्ली : नॅशनल टेस्टिंग एजन्सीनं (NTA) JEE मुख्य परीक्षेच्या पेपर १ चा (बीई/ बीटेक) अंतिम स्कोअर शनिवारी जाहीर केला. यामध्ये एकूण ४३ उमेदवारांना १०० एनटीए स्कोअर प्राप्त झाला आहे. यात एकूण ९ लाख विद्यार्थी जेईई मुख्यच्या सेशन २ साठी पात्र ठरले होते.

या परीक्षेच्या ऑल इंडिया रँक, टॉपर लिस्ट, पर्सन्टेज आणि इतर माहितीसह कटऑफ लिस्ट लवकरच एनटीए जेईईच्या वेबसाईटवर लवकरच प्रसिद्ध करण्यात येणार आहे. एनटीएकडून जेईई मुख्य परीक्षेचे सेशन-2 एप्रिल महिन्यातील ६, ८, १०, ११, १२, १३ आणि १५ या तारखांना पार पडलं होतं.

दरम्यान, या परीक्षेचा निकाल उमेदवारांना https://jeemain.nta.nic.in/jeemain-2023-session-2-result/ या लिंकवर जाऊन पाहता येणार आहे.