आझमगड (उत्तर प्रदेश): एकाने आपल्या पत्नीचे छायाचित्र सोशल मीडियावर अपलोड करून, अश्लिल संवादासाठी पत्नीचा नंबर देऊन संपर्क करण्यास सांगितले. पत्नीला सतत फोन येऊ लागल्यानंतर तिने गुन्हा दाखल केला. पतीनेच हे कृत्य केल्याचे तपासात पुढे आले आहे.
जिल्ह्यातील ठुठिया गावामध्ये ही घटना घडली आहे. गावातील एका युवकाचे दोन वर्षापूर्वी विवाह झाला होता. पण, लग्नामध्ये हुंडा दिला नाही म्हणून पत्नीला त्रास देत होता. सततच्या त्रासाला कंटाळून पत्नी माहेरी निघून गेली होती. पत्नी माहेरी गेल्यामुळे नवऱयाने असे कृत्य केल्याची माहिती पुढे आली आहे. पोलिसांनी पत्नीच्या तक्रारीनंतर आरोपी पतीला अटक केली असून, पुढील तपास करत आहेत.
पोलिस अधिक्षक त्रिवेणी सिंह यांनी दिलेल्या माहितीनुसार, अटक केलेल्या आरोपीने हुंड्यात दुचाकी न दिल्याने पत्नीचे छायाचित्र सोशल मीडियावर व्हायरल केले. शिवाय, मोबाईल नंबर सार्वजनिक करुन अश्लिल संवाद साधण्याबरोबरच अब्रूची किंमतही लावली होती. पोलिसांनी या प्रकरणाचा तपास करुन तात्काळ आरोपी पतीला अटक केली.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.