नवी दिल्ली : आगामी विधानसभा निवडणुकीच्या पार्श्वभूमीवर काँग्रेसची आज महत्वाची बैठक पार पडली. या बैठकीत नेमकी काय चर्चा झाली? याबाबतची माहिती साम टीव्हीच्या सुत्रांनी दिली आहे. हरियानाच्या निवडणुकीत झालेल्या पराभाचा काँग्रेस नेत्यांनी धसका घेतला आहे.

बैठकीत नेमकं काय झालं?

हरियानातील पराभवाचा काँग्रेस नेत्यांनी धसका घेतला आहे. त्यामुळं आगामी विधानसभा निवडणुकीत महाराष्ट्राचा हरियाना होऊ द्यायचा नाही. कुठल्याही परिस्थितीत राज्यात महाविकास आघाडीचं सरकार आणायचंच आहे, अशा सूचना काँग्रेसच्या केंद्रातील वरिष्ठ नेत्यांनी राज्यातील नेत्यांना दिल्या आहेत. यासाठी मराठा आणि ओबीसी समाजाबाबत विशेष रणनीती आखण्यात येणार असल्याची माहिती सामच्या सुत्रांकडून मिळते आहे.

महाराष्ट्रात आरक्षणावरुन मराठा आणि ओबीसी या दोन समाजांमध्ये वाद निर्माण झाला आहे. या वादाचा फटका बसण्याची शक्यता असल्यानं काँग्रेसंच नेतृत्व सध्या अलर्ट मोडवर आलं आहे. त्यामुळं "मराठा आणि ओबीसी या दोन्ही समाजांत समन्वय राहील याची काळजी घ्या" अशा स्पष्ट सूचना वरिष्ठ नेतृत्वाकडून राज्यातील नेत्यांन देण्यात आल्या आहेत.