नवी दिल्ली : इस्राइल-पॅलेस्टाईन युद्धामुळं कच्च्या तेलाच्या किंमती वाढणार असल्याची चर्चा आहे. यापार्श्वभूमीवर केंद्रीय पेट्रोलियम आणि नैसर्गिक वायू मंत्री, हरदीप सिंग पुरी यांनी आजची स्थिती स्पष्ट केली आहे. युद्धाचा परिणाम तेलाच्या किंमतींवर होऊ शकतो पण भारतावर अद्याप तसा कुठलाही प्रभाव दिसून येत नाही. (Israel Hamas Conflict Will War Increase Fuel Prices Petroleum Minister Hardeep Singh Puri cleared it)

पुरी म्हणतात, "कच्च्या तेलाच्या किमती वाढल्या तर त्याचा सहाजिकचं महागाईवर परिणाम होऊ शकतो. पण मला वाटतं की, जागतिक बाजारपेठा सर्व गोष्टींचा विचार करतील पण अद्याप तेल पुरवठा करणाऱ्या लाईन्स विस्कळीत झालेल्या नाहीत. त्यामुळं आशा आहे की, आम्ही सर्व गोष्टींमधून मार्ग काढू शकू, सध्याच्या स्थितीचा मी अनुमान लावू शकतो. सरकारचं सध्या कच्चा तेलाच्या किंमतीबाबत रिअल-टाइमवर लक्ष आहे. मला खात्री आहे की भारत तेलाची उपलब्धता आणि इतर घटकांवर मात करेल"