नवी दिल्ली- पंतप्रधान नरेंद्र मोदी हे दुबई येथे आयोजित सीओपी२८ परिषदेसाठी युएईमध्ये गेले होते. यावेळी त्यांची आंतरराष्ट्रीय नेत्यांची भेट झाली. इटलीच्या प्रधानमंत्री जॉर्जिया मेलोनी यांनी पंतप्रधान नरेंद्र मोदी यांच्यासोबतचा सेल्फी पोस्ट केला होता. यावरुन पंतप्रधान नरेंद्र मोदी यांनी प्रतिक्रिया दिली आहे. मित्रांसोबत भेटणं नेहमी आनंददायी असतं असं मोदी म्हणाले आहेत.

जॉर्जिया मेलोनी यांनी सीओपी२८ परिषदेदरम्यान पंतप्रधान मोदी यांची भेट घेतली. त्यांच्यासोबत सेल्फी काढला. तसेच मोदींसोबतची सेल्फी पोस्ट करत 'चांगले मित्र' अशी टिप्पणी केली होती. तसेच मोदी आणि मेलोनी आडनावाला एकत्र करत मेलोडी असा हॅशटॅग देखील वापरला होता. फोटोमध्ये दोन्ही नेते दिलखुलास हसताना दिसत आहेत.

इटलीच्या पंतप्रधान मेलोनी यांनी शेअर केलेल्या फोटोला खूप पसंदी मिळत आहे. शनिवारी सायंकाळपर्यंत या फोटोला तीन लाखांपेक्षा अधिल लोकांनी लाईक केलंय, तर १६ हजार पेक्षा अधिक लोकांनी कमेंट केलं आहे. विषेश करुन यात भारतीय नागरिकांचा प्रामुख्याने समावेश आहे. ५५ हजार लोकांनी याला रि-पोस्ट केलंय. पंतप्रधान नरेंद्र मोदी यांनी दिलेल्या प्रतिक्रियेला २४ लाखांपेक्षा जास्त जणांनी पाहिलं आहे.

याआधी सप्टेंबर महिन्यामध्ये दिल्लीमध्ये जी-२० परिषदेचे आयोजन करण्यात आले होते. यावेळी मेलोनी भारतात आल्या होत्या. पंतप्रधान मोदी यांची त्यांनी भेट घेतली होती. दोन्ही नेत्यांनी दोन देशातील राजनैतिक संबंधांना ७५ वर्ष पूर्ण झाल्याच्या निमित्ताने समाधान व्यक्त केलं होतं. आंतरराष्ट्रीय विकासासाठी जी-७ आणि जी-२० देशांशी सोबत काम करण्याच्या विचारावर त्यांनी सहभती दर्शवली होती. (Latest Marathi News)