श्रीनगर : जोपर्यंत केंद्र सरकार राज्याचा दर्जा बहाल करत नाही तोपर्यंत जम्मू-काश्मीरमध्ये सरकार स्थापन करू नये, असे आवाहन अवामी इतेहाद पार्टीचे (एआयपी) प्रमुख आणि उत्तर काश्मीरचे खासदार शेख अब्दुर रशीद ऊर्फ रशीद इंजिनिअर यांनी सोमवारी केले.
येथे आयोजित पत्रकार परिषद रशीद म्हणाले, ‘‘केंद्राने जम्मू-काश्मीरला राज्याचा दर्जा बहाल करेपर्यंत सरकार स्थापन करू नये, अशी उद्या निवडणूक जिंकणाऱ्या सर्व राजकीय पक्षांना आणि अपक्ष उमेदवारांना माझी सूचना आहे. माझ्या सूचनेला सर्वांनी सहमती दिल्यास ‘एआयपी’ देखील या प्रस्तावाला पूर्ण पाठिंबा देईल.’’
रशीद म्हणाले, की राज्यातील दरबार प्रथा बंद करून जम्मू-काश्मीरच्या तिजोरीवर मोठा बोजा कमी झाला असल्याचा प्रशासनाचा दावा आहे. जम्मू आणि काश्‍मीर या दोन्ही प्रदेशातील लोक यात भरडले गेले आहेत, हे वास्तव आहे. यामुळे या दरबार प्रथा पुन्हा सुरू करावा अशी आमची मागणी आहे.
जर जम्मूमध्ये भाजपला बहुमत मिळाले आणि काश्‍मीर खोऱ्यात नॅशनल कॉन्फरन्स पक्ष विजयी झाला तर ‘एआयपी’ कोणाला पाठिंबा देणार, असे विचारले असता ते म्हणाले, की माझ्या पक्षाचे प्राधान्य सरकार स्थापनेला नव्हते तर जम्मू-काश्मीरच्या नागरिकांच्या हिताचे रक्षण करण्यास होते. ‘‘जम्मू-काश्‍मीर प्रशासनाने प्रतिनिधी नियुक्ती करून प्रशासनाने भाजप आणि पंतप्रधान नरेंद्र मोदी यांच्या ‘एक विधान, एक निशान आणि एक प्रधान’ या कल्पनेला आव्हान दिले आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.