म्हैसूर जिल्ह्यातील वरुणा ही महत्त्वाची जागा आहे. इथून काँग्रेस विधिमंडळ पक्षाचे नेते सिद्धरामय्या निवडणूक लढवत आहेत.
बेंगळुरू : कर्नाटकातील आगामी विधानसभा निवडणुकीसाठी (Karnataka Assembly Election 2023) राजकीय पक्षांनी जोरदार तयारी सुरू केली आहे.
दरम्यान, काँग्रेसचे दिग्गज नेते सिद्धरामय्या यांच्या विरोधात भारतीय जनता पक्ष (BJP) कोणाला उमेदवारी देणार आहे, याबाबत उत्सुकता आहे. मात्र, असं असतानाच माजी मुख्यमंत्री बी. एस. येडियुरप्पा यांनी वरुणा जागेबाबत महत्वाचं विधान केलंय.
भाजपचे दिग्गज नेते बीएस येडियुरप्पा (BS Yediyurappa) यांनी त्यांचा मुलगा बीवाय विजयेंद्र (BY Vijayendra) वरुणामधून निवडणूक (Varuna Assembly Election) लढवण्याची शक्यता नाकारली नाहीये.
पत्रकारांनी येडियुरप्पांना विचारलं की, विजयेंद्र वरुणामधून रिंगणात उतरणार का? यावर त्यांनी चर्चा सुरू असल्याचं सांगितलं. सिद्धरामय्या यांना चांगलंच ठाऊक आहे की, ही निवडणूक त्यांच्यासाठी सोपी नाही. त्यांच्याविरोधात आम्ही चांगला उमेदवार उभा करू. आम्ही कडवी लढत देऊ. बघूया काय होतं ते, असं येडियुरप्पांनी स्पष्ट केलं.
वरुणामधून विजयेंद्र यांना तिकीट देण्याचा निर्णय पक्षाच्या केंद्रीय नेतृत्वावर सोडला जाईल, असंही ते म्हणाले. पक्ष कार्यालयात झालेल्या संवादादरम्यान सिद्धरामय्या म्हणाले, 'माझ्या विरोधात कोण निवडणूक लढवणार आहे, याची मला पर्वा नाहीये. मी सक्षम आहे.' काँग्रेसचे प्रदेशाध्यक्ष डीके शिवकुमार यांनी येडियुरप्पांनी आव्हान करत त्यांनी स्वत: वरुणामधून निवडणूक लढवण्याचा निर्णय घेतल्यास आम्ही त्यांचं स्वागत करु, अशी खिल्ली उडवली.
म्हैसूर जिल्ह्यातील वरुणा ही महत्त्वाची जागा आहे. इथून काँग्रेस विधिमंडळ पक्षाचे नेते सिद्धरामय्या निवडणूक लढवत आहेत. सध्या त्यांचा मुलगा यतिंद्र हे या जागेचं प्रतिनिधीत्व करत आहेत. मात्र, सिद्धरामय्या यांनी वरुणासोबत कोलारमधून निवडणूक लढवण्याची इच्छा व्यक्त केलीये.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.