बंगळूर (कर्नाटक) : मतपत्रिकेसोबत मतदान करताना जवानानं स्वतःचा काढलेला फोटो सोशल मीडियावर व्हायरल झाला आहे.

कर्नाटक विधानसभा निवडणुकीच्या (Karnataka Assembly Election) मतदान प्रक्रियेत सहभागी होणाऱ्या सरकारी कर्मचाऱ्यांसाठी निवडणूक आयोगाने (Election Commission) मतपत्रिकेद्वारे मतदान सुरू केले आहे. हजारो जवानांनी (Jawan) आधीच मतदान केले आहे. पण एका जवानाने स्वत: त्याच्या बॅलेट पेपरसह फोटो काढून तो सोशल मीडियावर अपलोड केला आहे. हा फोटो सध्या व्हायरल झाला आहे.

ही पोस्ट सोशल मीडियावर धुमाकूळ घालत आहे. हा जवान के. आर. नगर मतदारसंघाचा मतदार असल्याचे पोस्टावरून कळते. कर्तव्याच्या पार्श्वभूमीवर त्यांनी राज्याबाहेरून पोस्टल मतदान केल्याचे बोलले जात आहे. गुप्त मतदान असतानाही त्याने कोणाला मतदान केले, हे उघड झाल्याने निवडणूक अधिकाऱ्यांकडून जवानाचे मत रद्द होण्याची शक्यता आहे. १० मे रोजी मतदान होणार आहे. जिथे ही घटना घडली के. आर. नगर मतदारसंघात आमदार सा. रा. महेश (धजद), डी. रविशंकर (काँग्रेस), होसहळ्ळी व्यंकटेश (भाजप) रिंगणात आहेत.