बंगळूरु : कर्नाटकमध्ये हिजाब वादानंतर हलाल मटणवरुन नवीन वाद सुरु झाला आहे. उजव्या विचाराच्या संघटनांनी मंदिर यात्रोत्सवात मुस्लिम व्यापाऱ्यांवर प्रतिबंध लावण्याचे आवाहन केले आहे. त्यावर बायोकाॅनच्या प्रमुख किरण मजुमदार शाॅ (Kiran Mazumdar Bommai) यांनी मुख्यमंत्री बसवराज बोम्मई (Basavaraj Bommai) यांना इशारा दिला की राज्यात वाढत चाललेला धार्मिक द्वेष लवकर जर थांबवला नाही तर यात देश उद्ध्वस्त होईल. कर्नाटकातील भाजप (BJP) सरकारने मजुमदार यांच्यावर राजकीय रंग देण्याचा आरोप केला आहे. कर्नाटक सरकारकडून मंदिर परिसरात बिगर हिंदूंना व्यापार करण्यास बंदी घालणाऱ्या नियमाचा हवाला देत काही दिवसानंतर किरण शाॅ यांनी जाहीरपणे चिंता व्यक्त केली होती. (Karnataka Halal Meat Row Communalism Will Destroy Nation, Kiran Mazumdar Urge CM Basavaraj Bommai)

उद्योग क्षेत्रातून आलेली त्यांची पहिली प्रतिक्रिया होती. शाॅ आपल्या ट्विटमध्ये म्हणतात, कर्नाटकने नेहमी सर्वसामावेशक आर्थिक विकास केला आहे. त्यामुळे आपण अशा सांप्रदायिक बहिष्काराला परवानी देऊ नये. जर आयटीबीटी सांप्रदायिक झाली असेल तर हे आपल्या जागतिक नेतृत्वाला नष्ट करुन टाकेल. मुख्यमंत्री बोम्मई यांनी कृपा करुन या वाढते धार्मिक विभाजन टाळावे, असे आवाहन शाॅ यांनी केले आहे.

किरण मजुमदार यांना मालवीयांचे प्रत्युत्तर

भाजपचे आयटी सेलचे प्रमुख अमित मालवीय यांनी किरण मजुमदार यांना सोशल मीडियावर प्रत्युत्तर दिले. ते म्हणाले, त्यांचे मत पूर्वग्रह दुषित आहे. हे दुर्दैवीआहे, की किरण शाॅ सारखे लोक आपले व्यक्तिगत, राजकीय मत रंगून मांडतात. त्यास आयटीबीटी क्षेत्रातील भारताचे नेतृत्वाची साथ मिळते. राहुल बजाज यांनी ही एकदा गुजरातसाठी असे विधान केले होते. ते राज्य एक प्रमुख ऑटोमोबाईल उत्पादन केंद्र बनले आहे. जाऊन तेथील आकडे तपासा, असा सल्ला मालवीय यांनी शाॅ यांना दिला आहे.