बंगळूर : महसूल गुप्तचर संचालनालयाने (DRI) येथील केम्पेगौडा आंतरराष्ट्रीय विमानतळावर (Kempegowda International Airport) २६ कोटी रुपयांच्या कोकेनसह एका केनियन महिलेला (Kenyan women) अटक केली.

देवनहळ्ळी येथील केम्पेगौडा आंतरराष्ट्रीय विमानतळावर महसूल गुप्तचर संचालनालयाच्या अधिकाऱ्यांनी गुप्त माहितीच्या आधारे कारवाई करत महिलेला २.६ किलो कोकेनसह (Cocaine) अटक केली.

पर्यटक व्हिसावर भारतात आलेल्या केनियन वंशाच्या ३६ वर्षीय महिलेला देवनहळ्ळीजवळील केम्पेगौडा आंतरराष्ट्रीय विमानतळावर दिल्लीला जाणाऱ्या इंडिगोच्या विमानात चढताना अटक करण्यात आली. या महिलेला कोकेनसह पकडणारे अधिकारी बंगळूर येथील डीआरआय कार्यालयात तिची चौकशी करत आहेत.