लोकसभा निवडणुकीनंतर अजित पवारांचे आमदार शरद पवारांकडे परतणार असल्याची चर्चा होती. मात्र, आज मुंबईत झालेल्या बैठकीत शरद पवारांच्या संपर्कात कोणीही नसल्याची ग्वाही आमदारांनी अजित पवारांना दिली.

नाशिकच्या नांदवागमध्ये एका वैद्यकीय अधिकाऱ्याला मारहाण झाल्याची घटना समोर आली आहे.

मंत्रालयाच्या वरच्या मजल्यावरून एका माणसाने उडी मारली, इमारतीत बसवलेल्या सुरक्षा जाळ्यात तो अडकला; त्या व्यक्तीला पोलीसांनी वाचवले असून पुढील चौकशी सुरु आहे.

खोट्या एक्झिट पोलचा शेअर मार्केटवर परिणाम झाला. हा भारतीय शेअर बाजारातील सर्वात मोठा घोटाळा आहे. ३ जूनला मार्केट वर गेलं. तर ४ ला खाली आलं. ३० लाख कोटी रुपयांचा लॉस झाला आहे.

देवेंद्र फडणवीस दिल्लीला रवाना झाले आहेत. आज ते नरेंद्र मोदी आणि अमित शाह यांची भेट घेणार आहेत.

भारतातील नवीनतम विमानसेवा ‘फ्लाय ९१’ ने जळगावमध्ये आपल्या ऑपरेशन्सचा विस्तार करण्याची घोषणा केली आहे. २४ मेपासून जळगाव (जेएलजी) आणि पुणे (पीएनक्यू) दरम्यान आठवड्यातून चार वेळा व्यावसायिक उड्डाणे सुरू करण्यात आली आहेत. जळगाव-गोवा-जळगाव अशा विमान फेऱ्या असणार आहेत.

दिल्लीत विनोद तावडे हे अमित शहांच्या भेटीला पोहोचले आहेत. दिल्लीत आज देवेंद्र फडणवीस हे पीएम मोदी आणि अमित शहांची भेट घेणार आहेत.

भीम नगर परिसरात जय भीम नगर झोपडपट्टी वाचवा आंदोलन चिघळलं. निष्काशनाची कार्यवाही करण्यासाठी गेलेल्या पालिका अधिकारी आणि पोलिसांवर जमावाने दगडफेक केली. .पोलीस जखमी

Baramati News: बारामतीत विजय मिळवल्यानंतर सुप्रिया सुळे पहिल्यांदाच बारामतीमध्ये आल्या आहेत. यावेळी कार्यकर्त्यांकडून सुप्रिया सुळे यांचे जंगी स्वागत करण्यात आले.

राहुल गांधी यांनी विरोधी पक्षनेते बनवा मागणी अनेकांची आहे. २ दिवसांत नावावर शिक्कामोर्तब होणार आहे. अशी चर्चा आहे.

राष्ट्रवादीचे अध्यक्ष अजित पवार यांनी पक्षाच्या नेत्यांची बैठक घेतली आहे. लोकसभा निवडणुकीत कमी जागा मिळाल्यानंरतची ही पहिलीच बैठक आहे.

मनोज जरांगे पाटील किल्ले रायगडावर गेले आहेत. ८ जून पासून जरांगे पुन्हा उपोषणाला बसणार आहेत अशी माहिती त्यांनी दिली.

आज राज्य मंत्रीमंडळाची बैठक पार पडत आहे. आज मोठे निर्णय होण्याची शक्यता आहे. ४ वाजता ही बैठक होणार आहे.

देवेंद्र फडणवीसांनी त्यांच्या राजीनाम्याची इच्छा मागे घ्यावी यासाठी भाजप नेते त्यांची समजूत काढत आहेत. नेत्यांच्या भेटीनंतर देवेंद्र फडणवीस हे नागपूरकडे रवाना झाले आहेत.

आज वर्षा गायकवाड उद्धव ठाकरे यांची मातोश्रीवर भेट घेणार आहेत. लोकसभेच्या विजयानंतर वर्षा गायकवाड पहिल्यांदा उद्धव ठाकरे यांची भेट घेणार आहेत. दुपारी 12 वाजता वर्षा गायकवाड भेटण्यासाठी जाणार आहेत.

मुंबई चेंबुरमध्ये घरगुती सिंलिंडरचा स्फोट झाला आहे. यात आठ जण जखमी झाल्याची माहिती आहे. याशिवाय घराबाहेरील काही वाहनांचे देखील नुकसान झाले आहे.

देवेंद्र फडणवीस यांनी राज्याची वाट लावली. त्यांनी स्वर्गीय बाळासाहेब ठाकरे यांचा अपमान केला. त्यांनी पक्ष फोडला. मोदी-शहांपेक्षा देवेंद्र फडणवीस जास्त खलनायक आहेत, अशी टीका संजय राऊत यांनी केली.

मराठा समाजाचे नेते मनोज जरांगे पाटील हे रायगडाच्या पायथ्याशी दाखल झाले आहेत. आज महाराजांचा ३५० वा राज्याभिषेक आहे. त्यासाठी रायगडावर जय्यत तयारी करण्यात आली आहे.

मध्य रेल्वेवरुन सीएसएमटीकडे जाणाऱ्या अनेक रेल्वे कोणत्याही पूर्वसूचनेशिवाय रद्द करण्यात आल्याची माहिती आहे. शिवाय अनेक रेल्वे संथ गतीने मार्गक्रमण कर आहेत. त्यामुळे लोकांचा मनस्ताप होत आहे.

अजित पवार गटाच्या नेत्यांची आज मुंबईत बैठक होणार आहे. सकाळी दहा वाजता ही बैठक होईल. लोकसभा निवडणुकीच्या निकालानंतर ही बैठक होत आहे.

छत्रपती शिवाजी महाराज यांचा आज ३५० वा राज्याभिषेक सोहळा आहे. यानिमित्ताने रायगडावर उत्साह पाहायला मिळत आहे.

मुख्यमंत्री एकनाथ शिंदे यांनी विजयी खासदारांना मुंबईमध्ये बोलावलं आहे. श्रीकांत शिंदे, धैर्यशील माने आणि श्रीरंग बारणे यांना एनडीए सरकारमध्ये मंत्रिपद मिळण्याची शक्यता आहे.