इटानगर (अरुणाचलप्रदेश) : जगाला कोरोना व्हायरसने विळखा घालायला सुरवात केल्यानंतर भारतामध्ये लॉकडाऊनची घोषणा करण्यात आली. लॉकडाऊनमुळे अनेकांचे हाल होताना दिसत आहेत. मात्र, येथील एक धक्कादायक व्हिडिओ सोशल मीडियावर व्हायरल झाला आहे.
व्हायरल झालेल्या व्हिडिओमध्ये तिघांनी 12 फूट लांबीच्या किंब कोब्राची शिकार केली आहे. किंग कोब्राला मारून तिघेजण खांद्यावरून नेताना दिसत आहेत. लॉकडाऊनमुळे घरातील तांदूळ संपल्यामुळे किंब कोब्राची शिकार केल्याचे एकजण सांगत आहे. शिवाय, जेवणाची तयारी केलेली दिसत असून, मांस स्वच्छ करण्यासाठी तसंच त्याचे तुकडे करण्यासाठी केळाची पानेही आणली होती.
अधिकाऱ्यांनी सांगितले की, 'जंगली प्राण्याची शिकार केल्याबद्दल तिघांविरोधात गुन्हा दाखल करण्यात आला आहे. वन्यजीव संरक्षण अधिनियमांतर्गत गुन्हा नोंद करण्यात आला आहे. किंग कोब्रा हा एक संरक्षित वन्यजीव आहे. त्याला मारणे गुन्हा आहे. अशा प्रकरणात जामीनही मिळत नाही. सध्या तिघेही फरार असून, त्यांचा शोध सुरू आहे.'
अरुणाचल प्रदेशात दुर्मीळ आणि लुप्त होत असलेल्या प्राण्यांची संख्या जास्त आहे. या ठिकाणी नुकताच एका विषारी सापाच्या नव्या प्रजातीचा संशोधकांनी शोध लावला होता. त्याचे नाव जे के रोलिंग यांच्या काल्पनिक चरित्रावरून सालाजार स्लाइथरीन च्या नावावरून ठेवण्यात आले होते.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.