मुंबईः मराठवाड्यातल्या जालना जिल्ह्यामध्ये कचरा कुंडीमध्ये शेकडो वोटर कार्ड आढळून आलेले आहेत. या प्रकारामुळे आश्चर्य व्यक्त होत असून संबंधित यंत्रणेकडून तपास सुरु झाला आहे.

सध्या सर्वत्र लोकसभा निवडणुकीची रणधुमाळी सुरु आहे. त्यातच जालन्यात कचऱ्यात वोटर कार्ड सापडल्याने, या गंभीर प्रकाराची प्रशासनाने दखल घेतीलए. काही कर्मचाऱ्यांनी हे कार्ड ताब्यात घेऊन तपास सुरु केला आहे.

लोकसभा निवडणुकीच्या चौथ्या टप्प्यासाठी सोमवार दि. १३ मे रोजी मतदान प्रक्रिया पार पडणार आहे. चौथ्या टप्प्यमध्ये नंदूरबार, जळगाव, रावेर, छत्रपती संभाजीनगर, मावळ, पुणे, शिरुर, अहमदनगर, शिर्डी, बीड आणि जालना जिल्ह्याचा समावेश आहे.

मतदानाच्या तीन दिवस अगोदरच अशा प्रकारे कचऱ्यात वोटर कार्ड सापडल्याने आश्चर्य व्यक्त होतंय. हे वोटर कार्ड नेमके कुणाचे आहेत आणि अशा पद्धतीने कचऱ्यात का टाकले? याबाबत कसून चौकशी होणार आहे. 'एएनआय'ने यासंबंधीचा व्हिडीओ 'एक्स'वर पोस्ट केला आहे.

पाचव्या टप्प्यात 'या' मतदारसंघांमध्ये मतदान

सोमवार, दि. 20 मे रोजी पाचव्या टप्प्यात धुळे, दिंडोरी, नाशिक, पालघर, भिवंडी, कल्याण, ठाणे, दक्षिण मुंबई, दक्षिण मध्य मुंबई, ईशान्य मुंबई, उत्तर मुंबई, उत्तर मध्य मुंबई, उत्तर पश्चिम मुंबई या लोकसभा मतदारसंघांमध्ये मतदान प्रक्रिया पार पडेल.