हरदोईः घराबाहेर झोपलेल्या कुटुंबाच्या अंगावर ट्रक उलटल्याने तब्बल आठ जणांचा मृत्यू झाल्याची दुर्दैवी घटना घडली आहे. उत्तर प्रदेशातल्या हरदोई जिल्ह्यातील मल्लवा ठाण्याच्या हद्दीमध्ये ही घटना घडली आहे. घटनेमध्ये एक चिमुकली जखमी झाली आहे.
पोलिसांना घटनेची माहिती मिळाल्यानंतर तातडीने रेस्क्यू ऑपरेशन सुरु करण्यात आलं. जेसीबी आणि हायड्राच्या माध्यमातून ट्रकखाली दबलेले मृतदेह बाहेर काढण्यात आले.
मल्लवा ठाण्याच्या कटरा विल्हौर रस्त्यावर एका झोपडीमध्ये हे कुटुंब वास्तव्याला होतं. रात्री एकत्र जेवण करुन सर्वजण घराबाहेर झोपी गेले. तेव्हा अचानक रात्री उशिरा वाळूने ओव्हरलोड असेलल्या ट्रकवरचं चालकाचं नियंत्रण सुटलं आणि रस्त्याच्या कडेला घराबाहेर झोपलेल्या कुटुंबाच्या अंगावर ट्रक उलटला.
घटनेमध्ये एकाच कुटुंबातील आठ जणांचा मृत्यू झाला. घटनेनंतर परिसरात एकच गोंधळ उडाला. पोलिसांना घटनेची माहिती देण्यात आली. घटनास्थळावर पोहोचलेल्या पोलिसांनी स्थानिक लोकांची मदत घेऊन रेस्क्यू ऑपरेशन सुरु केलं. जेसीबी आणि हायड्राच्या मदतीने ट्रकखाली दबलेले मृतहेद बाहेर काढण्यात आले.
अपघाताच्या या घटनेत केवळ एक चिमुकली वाचली आहे. जखमी झाल्याने तिल्या रुग्णालयात पाठवण्यात आलेलं आहे. पोलिसांनी मृतदेह बाहेर काढून शवविच्छेदनासाठी पाठवले आहेत. मृतांमध्ये काही चिमुकल्यांचाही समावेश आहे.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.