इंडिया आघाडीच्या बैठकीत सामील होण्यासाठी मुंबईत आलेल्या ममता बॅनर्जी अमिताभ बच्चन यांना राखी बांधण्यासाठी त्यांच्या घरी पोहोचल्या आहेत. यावेळी त्यांनी अमिताभ बच्चन यांना भेटून आनंद व्यक्त केला.

ममता बॅनर्जी यावेळी म्हणाल्या की, "मी आज खुश आहे. मी आज भारताचे भारतरत्न अमिताभ बच्चन यांना भेटले आणि त्यांना राखीही बांधली. मला त्यांचं कुटुंब खुप आवडलं. मी त्यांना दुर्गा पुजा आणि आंतरराष्ट्रीय चित्रपट महोत्सवाला येण्यासाठी आमंत्रित केले. "

ममता बॅनर्जी तृणमूल काँग्रेस पक्षाच्या अध्यक्षा आहेत. भाजप आणि एनडीए सरकारविरोधात बनवण्यात आलेल्या 'इंडिया'चा त्या महत्वाचा भाग आहेत. ३१ ऑगस्ट आणि १ सप्टेंबर या दिवशी मुंबईत होणाऱ्या आघाडीच्या बैठकीसाठी त्या आल्या आहेत.