नवी दिल्ली- सोशल मीडियावर कधी काय पाहायला मिळेल याचा नियम नाही. आजकाल लोक कुठेही रील बनवत आहेत. त्यासाठी लोक स्थळ-काळाचा काहीच विचार करत नाहीत. असाच एक व्हिडिओ सध्या सोशल मीडियावर व्हायरल होत आहे. या व्हिडिओमध्ये मंजूलिका'च रस्त्यावर नृत्य करताना दिसत आहे.
रस्ता, मार्केट, मेट्रो, ट्रेन, ऑफिस कुठेही लोक रील्स बनवत आहेत. आसामच्या गुवाहाटीमध्ये एका महिलेने चक्क रस्त्यावर मंजूलिकाचे नृत्य केलं आहे. तरुणीने मंजूलिकाचा हुबेहुब मेकअप केला होता आणि नृत्य देखील मंजूलिका सारखा केला. गजबजलेल्या रस्त्यावर ती हा नृत्य करते. हे सर्व पाहून लोक अचंबीत होतात. काही यावर हसतात तर काहींना तरुणी वेडी झाल्याचं वाटलेलं असणार.
भूलभुलय्या या बॉलिवूड चित्रपटात विद्या बालनने मंजूलिकाचे नृत्य केलं आहे. हे नृत्य आणि गाणं चांगलंच प्रसिद्ध आहे. मिळालेल्या माहितीनुसार, तरुणी शिलॉन्गची असून ती एक इंस्टाग्राम इन्फ्लुएंसर आहे. तिचं नाव प्रीती थापा असल्याचं कळतंय. प्रीती थापा भर रस्त्यात काहीतरी विचित्र करताना दिसली. लोक देखील हैराण होते. हा काय प्रकार सुरु आहे असं त्यांना वाटून गेलं. लोकांनी तिला पाहण्यासाठी गर्दी देखील केली होती.
व्हिडिओमध्ये दिसतंय की, प्रीती थापा हिरव्या रंगाच्या साडीमध्ये आहे. तिने केस मोकळे सोडलेले आहेत. मंजूलिकाचा मेकअप केलेला आहे. ती भर रस्त्यात नृत्य करते. थापाने आपले इंस्टा अकाऊंट, @preetithapasoss वर हा व्हिडिओ शेअर केला आहे. प्रीती थापा हिचा व्हिडिओ पाहून अनेक जण यावर संमिश्र प्रतिक्रिया देत आहेत.
काही नेटकऱ्यांनी तिची थट्टा केली आहे. काही व्ह्युज मिळवण्यासाठी लोक काहीही करत आहेत. त्यातलाच हा एक भाग आहे, असं एकाने म्हटलं. ट्रॅफिकमध्ये अडचण निर्माण केल्याप्रकरणी एका नेटकऱ्याने प्रीतीला झापलं आहे. तर, एकाने हा व्हिडिओ पाहून मजा आल्याची प्रतिक्रिया दिली आहे. एकाने म्हटलं, मी तरुणीच्या आत्मविश्वासाला सलाम करतो.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.