चंपावत : उत्तराखंडमधील चंपावत येथे झालेल्या एक भीषण दरड दुर्घटनेचा व्हिडिओ व्हायरलं झाला आहे. या भूस्खलनामध्ये डोंगराचा मोठा कडा थेट राष्ट्रीय महामार्गावर आल्यानं हा मार्ग बंद झाला आहे. यावेळी इथून जाणाऱ्या वाहनांमधील काही प्रवाशांनी या घटनेचा व्हिडिओ आपल्या मोबाईलमध्ये कैद केला.

याप्रकरणी माहिती देताना डीएम विनीत तोमर म्हणाले, "मातीचा ढिगारा हटवण्यासाठी कमीत कमी दोन दिवस लागतील. तोपर्यंत संबंधित विभागाला वाहतूक दुसऱ्या मार्गानं वळवण्याचे निर्देश देण्यात आले आहेत.