वाराणसीमधील ज्ञानव्यापी (Gyanvapi Masjid) मशिदीवरून सध्या देशातील वातावरण तापताणा दिसत आहे, या दरम्यान ऑल इंडिया मुस्लिम पर्सनल लॉ बोर्ड (Muslim personal law board) ने उडी घेतली आहे. उद्या शुक्रवारच्या नमाजच्या आधी ज्ञानवापी मशिदीसाठी दुवा करा असे अवाहन त्यांच्याकडून करण्यात आले आहे. उत्तर प्रेदेशातील सर्व मशिदींना हे आवाहन करण्यात आले आहे.

दरम्यान वाराणसीत ज्ञानवापी मशिदीबाहेर कडक सुरक्षा व्यवस्था करण्यात आली आहे, उद्या शुक्रवारची नमाज आहे, जी खूप पवित्र मानली जाते, सगळीकडे मशिदींमध्ये मुस्लिम बांधव जमतात, त्या पार्श्वभूमिवर मशिदींमध्ये तुम्ही ज्ञानवापी मशिदीसाठी प्रार्थना करा, ती आपल्या ताब्यात राहील आणि याचा वाद लवकर मिटेल यासाठी ही प्रार्थना करा असे आवाहन करण्यात आले आहे. त्यामुळे उद्या मशिदींमध्ये गर्दी होऊ शकते. यामुळे काही गैर प्रकार होऊ नये, कायदा आणि सुव्यवस्था राखली जावी यासाठी उत्तर प्रदेशच्या गृह सचिवांनी, राज्यातील प्रशासनाला आदेश दिले आहेत.

दरम्यान सुप्रीम कोर्टाने मर्यादीत केलीली संख्येची अट काढल्याने ज्ञानवापी मशिदीत मुस्लिम बांधव मोठ्या संख्येने जमण्याची शक्यता आहे. त्यामुळे युपी पोलिसांचा मोठा बंदोबस्त मशिदीत तैनात करण्यात आला आहे.