नवी दिल्ली : पंतप्रधान कार्यालय (पीएमओ) हे यापूर्वी सत्तेचे केंद्र राहिले आहे. परंतु गेल्या दहा वर्षात ते जनतेची सेवा करण्याचे एक साधन म्हणून या कार्यालयाकडे पाहिले आहे. या कार्यालयातून १४० कोटी जनतेच्या सेवा केली जाईल, असा विश्वास पंतप्रधान मोदी यांनी व्यक्त केला.

मोदी यांनी तिसऱ्यांदा शपथ घेतल्यानंतर कार्यालयात गेले तेव्हा पंतप्रधान कार्यालयातील कर्मचाऱ्यांनी उभे राहून त्यांचे स्वागत केले. यानंतर ‘पीएमओ’तील अधिकारी व कर्मचाऱ्यांशी त्यांनी संवाद साधला.

यावेळी बोलताना त्यांनी यापूर्वी पीएमओ हे शक्तिकेंद्र म्हणून ओळखले जात होते. गेल्या दहा वर्षात मात्र ही ओळख मिटविण्यात यश आले आहे. या कार्यालयातून होणाऱ्या निर्णयामुळे जनतेच्या विकासाला काही हातभार लागेल, हाच विचार माझ्या मनात असतो. लोकहिताच्या संबंधित निर्णय होत असलेल्या फाईलवर स्वाक्षरी करताना आपण १४० कोटी जनतेच्या हितासाठी काहीतरी करीत आहे, ही भावना मनात नेहमीच असते, असेही मोदी यांनी सांगितले.

जनतेचे शिक्कामोर्तब

पीएमओ हे जनतेच्या सेवेचे केंद्र व्हावे, असे सांगत ते म्हणाले, या निवडणुकीच्या निकालाने ‘पीएमओ’ने घेतलेल्या निर्णयावर मतदारांनी शिक्कामोर्तब केले आहे.