कोलकता : केरळपाठोपाठ आता पश्‍चिम बंगालमध्ये निपाहचा रुग्ण आढळून आला आहे. केरळमध्ये मोलमजुरी करणारा व्यक्ती पश्‍चिम बंगालमध्ये परतल्यानंतर पुन्हा आजारी पडला आणि त्याच्यात निपाहची लक्षणे असल्याचा संशय डॉक्टरांनी व्यक्त केला आहे.

या तरुणाला प्रारंभी त्याला केरळच्या एर्नाकुलम रुग्णालयात त्याच्यावर उपचार केले, मात्र बरे वाटल्यानंतर घरी सोडण्यात आले. बंगालला आल्यानंतर त्याला कोलकताच्या बेलियाघाटा रुग्णालयात दाखल केले.

केरळमधून बरे वाटल्यानंतर तो बंगालला आला आणि काही दिवसांनी पुन्हा आजारी पडला. यासंदर्भातील माहिती आज एका वरिष्ठ आरोग्य अधिकाऱ्याने दिली. मात्र त्याच्या रक्ताचे नमुने निपाह संसर्गाच्या तपासणीसाठी पाठविण्यात आले नसल्याचेही सांगितले.